កាលពីរាត្រីយប់មិញនេះដែរ ជំនួបជើងរវាងក្លិបហង្សក្រហម និងបិសាចក្រហម ដែលធ្វើឡើងនៅពហុកីឡដ្ឋាន An field វេលាម៉ោង ៨ និង ៣០ នាទីនៅកម្ពុជា ក្លិបហង្សក្រហមបាន បំបាក់ក្លិប បិសាចក្រហមដែលជាភ្ញៀវក្នុងលទ្ធផល ១ ទល់នឹង ០។
សម្រាប់គ្រាប់បាល់នេះ ដែរ គឺជាគ្រាប់បាល់ដែលរកបាននៅដើមតង់ទី ១ ក្នុងនាទី ទី ៤ ដោយការតែតបំប៉ោងសំណាញ់ របស់ កីឡាករ Daniel Sturridge ដែលជាបាល់ទាត់ចេញពីជ្រុង នោះ។ គ្រាប់បាល់របស់ Daniel Sturridge បានធ្វើឲ្យហង្សក្រហមឡើងទៅកាន់លេខរៀងទី ១ លើតារាក្របខណ្ឌ Premier League ដោយមាន ៩ ពិន្ទុ ក្នុងចំណោម ៣ ប្រកួត។ ទន្ទឹមនេះដែរក៏ធ្វើឲ្យ David Moyes កំពុងរងនូវគំនាប តាំងពីជំនួសតំណែងលោក Sir Alex Ferguson មកមិនទាន់ធ្វើឲ្យ បិសាចក្រហម មានពន្លឺនៅឡើយនោះទេ ក្នុងចំណោម ៣ ប្រកួតកន្លងមក ដោយត្រឹមឈ្នះមួយ និង ចាញ់ ១ និងស្មើ ១ ឬ David Moyes ត្រឹមតែធ្វើឲ្យក្លិបមួយនេះ ទៅកាន់លេខរៀងដែល Everton ធ្លាន់គ្រប់គ្រង។តែទោះជាយ៉ាងណា នៅពេលនេះយើងមិនអាចមើលស្រាល ថ្វីដៃ លោក David Moyes បានឡើយ ព្រោះថា នៅក្រៅទឹកដី ការដឹកនាំរបស់លោក ធ្វើបានប៉ុណ្ណេះ វាជារឿងប្រសើរ ហើយបាល់ដែលតែតចូលដោយ កីឡាករ Daniel Sturridge វាជាបាល់ដែលចៃដន្យមែនទែន ដែលធ្វើឲ្យ អ្នកចាំទី បិសាចក្រហម David de Gea ឡេឡឺ មិនដឹងខ្យល់បាល់ទៅណាឡើយ។ ជាចុងបញ្ចប់ បិសាចក្រហមខំយ៉ាងណា តែបានត្រឹមតែជន្ល ដោយអាជ្ញាកណ្តាលផ្លុំកញ្ជែរបញ្ចប់ ត្រឹមលទ្ធផល 1-0 ធ្វើឲ្យបិសាចក្រហមស្ពាយបង្វេចចាញ់ទៅផ្ទះវិញ៕
ទស្សនាវីដេអូឃ្លិបដូចខាងក្រោមនេះ៖
ព័ត៌មានជាតិ
មតិយោបល់