ក្រុមហ៊ុន Microsoft បានប្រកាសកាលពីថ្ងៃទី០២ខែកញ្ញា ម្សិលមិញនេះថា ខ្លួនបានទិញយកអាជីវកម្មផលិតផល និងសេវាកម្មរបស់ក្រុមហ៊ុន Nokia។
នៅក្នុងសេចក្ដីប្រកាសបានឲ្យថា ផលិតផលដែលក្រុមហ៊ុន Nokia លក់ឲ្យ Microsoft នោះរួមមានទូរស័ព្ទស៊េរីទំនើប និងទូរស័ព្ទចល័ត ដែលសរុបជាទឹកប្រាក់មានចំនួន ៧,១៧ពាន់លានដុល្លារអាមេរិក។
ការទិញលក់នេះនឹងធ្វើបញ្ចប់នៅក្នុងដើមឆ្នាំ ២០១៤ ដោយនៅពេលនេះ លោក Risto Siilasmaa ដែលជាប្រធានក្រុមប្រឹក្សាភិបាល Nokia ត្រូវឡើងកាន់តំណែងនាយកប្រតិបត្តិស្ដីទីជំនួស Stephen Elop ព្រោះថា លោក Stephen Elop ត្រូវបានក្រុមហ៊ុន Microsoft ឲ្យទៅកាន់ការងារថ្មីនៅ Microsoft ដែលគេគិតថា អាចនឹងកាន់តំណែងនាយកប្រតិបត្តិ Microsoft បន្ទាប់ពី Steve Ballmer ចូលនិវត្តន៍៕
មតិយោបល់