យោងតាមសារព័ត៌មានបរទេសមួយបានឲ្យថាជ្រូកព្រៃមួយក្បាលហាក់ដូចជាស្រវឹងស្រាដោយវាបានចូលទៅប្រយុទ្ធជាមួយគោមួយក្បាល មិនបានយូរប៉ុន្មានមនុស្សក៏បានពិនិត្យមើលជ្រូកព្រៃមួយក្បាលនោះហើយឃើញថាវាមានជាតិអាកុលនៅក្នុងខ្លួនរបស់វា។
ប្រភពព័ត៌មានបានប្រាប់ថាជ្រូកមួយក្បាលនេះបានផឹកស្រាបៀរអស់ ១៨ កំប៉ុង នៅក្នុងកំពង់ផែ Hedland ភាគខាងលិច ប្រទេសអូស្ត្រាលី នេះបើយោងតាមប្រភពព័ត៌មានរបស់ ABC News ។
ដោយសារតែវាបានសេពគ្រឿងស្រវឹងទើបធ្វើឲ្យជ្រូកព្រៃមួយក្បាលនេះដើរស្វែងរកចំណីតាមធុងសំរាមដើម្បីស៊ី។
ម្យ៉ាងទៀតនៅពាក់កណ្តាលយប់នោះមនុស្សដែលរស់នៅទីនោះបានឮសំឡេងរំខានមួយដូច្នេះគាត់បានយកពិលបញ្ចាំងមើលហើយក៏បានឃើញជ្រូកព្រៃនៅទីនោះកំពុងតែប្រយុទ្ធជាមួយសត្វគោ បន្ទាប់មកគាត់បានមើលទៅធុងសំរាមទាំងអស់ត្រូវបានកកាយខ្ទិចអស់ ហើយជ្រូកព្រៃក៏បានចាកចេញទៅ។ បន្ទាប់មកប៉ូលិសក៏បានតាមចាប់វា ដោយមានគេប្រាប់ថាបានឃើញជ្រូកព្រៃមួយក្បាលនោះនៅក្រោមដើមឈើមួយ ប៉ូលិសក៏បានបន្តស្វែងរកទីតាំងរបស់វាទៀតព្រោះតែវាមានជាតិស្រវឹងនៅក្នុងខ្លួន៕
មតិយោបល់