ទីផ្សារលក់រាយនៅក្នុងប្រទេសចិនបានកើនឡើង ១៣,៤ភាគរយនៅក្នុងខែសីហាកន្លងទៅនេះ ដែលកាលពីខែកក្កដាមាន ១៣,២ភាគរយ ពោលគឺសន្ទុះនៃការកើនឡើតយឺត។ នេះបើយោងតាមការិយាល័យស្ថិតិជាតិ។
ទីផ្សារលក់រាយគឺជាគន្លឹះមួយយ៉ាងសំខាន់ក្នុងការវាស់ស្ទង់នូវការចំណាយរបស់អតិថិជននៅក្នុងទីផ្សារប្រទេសមហាអំណាចសេដ្ឋកិច្ចទី២ ដែលកាលពី៨ខែដំបូងមានចំនួនទឹកប្រាក់សរុប ២,៣៩ពាន់ពាន់លានដុល្លារអាមេរិក។
បើទោះបីជាកំណើរនៃការលក់រាយនៅក្នុងខែសីហាយឺតបន្តិចក្ដី ប៉ុន្តែក្រុមអ្នកវិភាគបាននិយាយថា វាជាដំណើរមួយដែលលឿនបំផុត សម្រាប់ឆ្នាំនេះ ព្រោះថាតម្រូវការទីផ្សារក្នុងស្រុកកើនឡើង។
ចន្លោះពីខែកក្កដាដល់សីហា កំណើរនៃការលក់រាយមានចំនួន ១,១៧ភាគរយ នេះបើយោងតាមការិយាល័យស្ថិតិជាតិ។
ទន្ទឹមនឹងនេះផងដែរ ការផលិតឧស្សាហកម្មបានពង្រីក ១០,៤ ភាគរយនៅក្នុងខែសីហា ដែល ពី ៩,៧ ភាគរយនៅខែកក្កដាឆ្នាំនេះ។ ការវិនិយោគថេរ-ទ្រព្យយសកម្មទីក្រុងឡើង ២០,៣ភាគរយនៅក្នុងចន្លោះខែមករា-ខែសីហាផងដែរ៕
មតិយោបល់