បើនិយាយពីស្មាតហ្វូនល្បី ហើយមានច្រើនពណ៌គឺគេតែងតែនឹកដល់ស្មាតហ្វូនរបស់ក្រុមហ៊ុន Nokia ភ្លាម ព្រោះថា ស្មាតហ្វូនរបស់ក្រុមហ៊ុន Nokia មានច្រើនពណ៌ ស្រស់ស្អាតសម្រាប់ការជ្រើសរើស។
ថ្មីៗនេះ ក្រុមហ៊ុន Nokia USA បានសរសេរសារមួយនៅលើ Twitter ថា “Thanks Apple” មានន័យថា Nokia អរគុណដល់ Apple ដែលមិនចេញលក់ iPhone ច្រើនពណ៌គឺមានត្រឹមតែ ស និងខ្មៅ។
ព្រមជាមួយគ្នានោះ Nokia ក៏បង្ហាញស្មាតហ្វូនរបស់ខ្លួនដែលមានច្រើនពណ៌ផងដែរ ដើម្បីបង្ហាញដល់មហាជនថា Nokia ជាក្រុមហ៊ុនស្មាតហ្វូនមួយដែលពោរពេញទៅដោយជម្រើសគ្រប់យ៉ាងសម្រាប់អតិថិជន។
គួរបញ្ជាក់ផងដែរថា Nokia អាចនឹងស្ដាយក្រោយ បន្ទាប់ពី Apple ប្រកាសបង្ហាញ iPhone 5S និង iPhone 5C ព្រោះថា iPhone 5S មានបីពណ៌ ស ខ្មៅ និងពណ៌មាស ចំណែក iPhone 5C វិញមានច្រើនពណ៌ ដែលសមល្មមនឹងបំពាក់ស្មាតហ្វូនរបស់ក្រុមហ៊ុន Nokia៕
ប្រភព៖ technobuffalo
មតិយោបល់