ក្នុងចំណោមក្រុមហ៊ុនបច្ចេកវិទ្យាទាំងអស់ មានតែក្រុមហ៊ុន Apple មួយគត់ដែលលាក់ការសម្ងាត់នៃផលិតផល ឬសេវាកម្មរបស់ខ្លួនបានល្អបំផុត ប៉ុន្តែក្រោយមកចាប់តាំងពីលោក Steve Jobs ទទួលមរណភាព កិត្តិនាមមួយនេះត្រូវបានរលាយបាត់ទៅតាមលោកផងដែរ។
នៅមុន Steve Jobs ស្លាប់ រាល់ផលិតផល និងសេវាកម្មរបស់ក្រុមហ៊ុន Apple គ្មានពាក្យចចាមអារ៉ាមណាមួយដឹងមុននោះទេ ហើយបើដឹងមុនក៏មិនដូចអ្វីដែល Apple មានផងដែរ ប៉ុន្តែជាក់ស្ដែងចាប់តាំងពី iPhone 5 មក ឃើញថា រាល់អាថ៌កំបាំងរបស់ Apple ជាច្រើនត្រូវបានទម្លាយដោយពាក្យចចាមអារ៉ាម។
មិនចាំចាញ់និយាយអ្វីច្រើននោះទេ យើងងាកមកមើល iPhone 5S និង iPhone 5C ដែល Apple ទើបបង្ហាញកាលពីម្សិលមិញ តើមានចំណុចណាខ្លះដែលដូចទៅនឹងពាក្យចចាមអារ៉ាម?
ពាក់ចចាមអារ៉ាមជាច្រើនបាននិយាយថា ក្រុមហ៊ុន Apple នឹងបង្ហាញ iPhone 5C និង iPhone 5S ហើយបង្ហាញនៅក្នុងខែកញ្ញា ពីរចំណុចនេះអាចបញ្ជាក់បានថា Apple បាត់បង់អាថ៌កំបាំង លើសពីនេះ iPhone 5S ពណ៌មាស និងមានមុខងារស្គែនម្រាមដៃ ក៏ជាចំណុចក្ដៅមួយដែលពាក្យចចាមអារ៉ាមបានទម្លាយនៅមុនពេល Apple បង្ហាញ។
សរុបជារួម ក្រោមការដឹកនាំរបស់លោក Tim Cook និង Steve Jobs ស្ថានភាពក្រុមហ៊ុនហាក់ដូចជាខុសគ្នាទាំងស្រុង ប្រជាប្រិយភាព Apple បានធ្លាក់ចុះបន្តិចម្ដងៗ ព្រោះតែអាថ៌កំបាំងគ្រប់យ៉ាងត្រូវបានលាតត្រដាងមុនពេលប្រកាសជាផ្លូវ ដូច្នេះ អ្វីដែលភ្ញាក់ផ្អើលដល់ក្រុមអ្នកគាំទ្រនោះទេ ម្យ៉ាងវិញទៀត បច្ចេកវិទ្យាដែល Apple បង្ហាញ គឺសុទ្ធតែអ្វីដែលគេមានរួចហើយ៕
មតិយោបល់