នៅក្រោយពេលដែលក្រុមហ៊ុន Apple ប្រកាសបង្ហាញ iPhone 5S និង iPhone 5C ភ្លាម សម្រាប់តែភាគហ៊ុន Apple ធ្លាក់ចុះជាង ៥ភាគរយ ដែលធ្វើឲ្យក្រុមអ្នកវិនិយោគ និងមនុស្សមួយចំនួនមានការងឿងឆ្ងល់យ៉ាងខ្លាំង ព្រោះថា នៅរាល់ពេលដែល Apple បង្ហាញ iPhone ជំនាន់ថ្មី ភាគហ៊ុនតែងតែឡើងភ្លាមៗ។
ដោយឡែក កាលពីថ្ងៃចន្ទ ទី១៦ខែកញ្ញា ឆ្នាំ ២០១៣ ម្សិលមិញនេះ ភាគហ៊ុន Apple បានធ្លាក់ចុះ ២ភាគរយបន្ថែមទៀត។ បើទោះបីជាការធ្លាក់ចុះមានកម្រិតទាបក្ដី ប៉ុន្តែវាជាសញ្ញាណអាក្រក់មួយសម្រាប់ Apple ព្រោះថា ក្រោយពេលបង្ហាញ iPhone 5C ភាគហ៊ុន Apple ធ្លាក់ចុះបណ្ដើរៗ។
វិនិយោគិនមួយចំនួនបាននិយាយថា ពួកគាត់មិនចូលចិត្តលើតម្លៃរបស់ iPhone 5 នោះទេ ដូច្នេះហើយទើបភាគហ៊ុន Apple ធ្លាក់ចុះ។
មកដល់ពេលនេះគេកំពុងតែព្រួយបារម្ភថា ភាគហ៊ុន Apple អាចបន្តធ្លាក់ចុះរហូតដល់ថ្ងៃទី២០ខែកញ្ញា ពោលគឺដល់ថ្ងៃដែល Apple ដាក់លក់ iPhone 5S និង iPhone 5C៕
មតិយោបល់