រដ្ឋាភិបាលអង់គ្លេសបានប្រកាសកាលពីថ្ងៃអង្គាកន្លងទៅថា បានលក់ភាគហ៊ុនចំនួន ៦ភាគរយនៃធនាគារ Lloyds Banking Group គិតជាទឹកប្រាក់មានតម្លៃ ៣,២ពាន់លានផោន (ប្រហែល ៥,១ពាន់លានដុល្លារអាមេរិក) សម្រាប់យកលុយមកប្រើប្រាស់។
“ខ្ញុំសូមបញ្ជាក់ថា យើងបានលក់ភាគហ៊ុនចំនួន ៦ភាគរយនៃធនាគារ Lloyds ដែលក្នុងមួយហ៊ុនមានតម្លៃ ៧៥ផោន។ លុយដែលបានមកពីការលក់ភាគហ៊ុននេះ យើងនឹងប្រើដើម្បីកាត់បន្ថយបំណុលជាតិ ដែលមានជាង កន្លះពាន់លានផោន”។ នេះជាសម្ដីរបស់លោក George Osborne រដ្ឋមន្ត្រីក្រសួងហិរញ្ញវត្ថុ បានថ្លែងឲ្យដឹង។
លោកបានបន្តទៀតថា “នេះជាវិធីសាស្ត្រផ្សេងមួយទៀតក្នុងការដោះស្រាយបញ្ហាវិបត្តិសេដ្ឋកិច្ចនៅក្នុងប្រទេស ហើយវាក៏ជាជម្រើសមួយក្នុងការជួយឲ្យធនាគារផ្សេងៗនៅអង់គ្លេសទទួលបានការប្រាក់ត្រឡប់មកវិញ បន្ទាប់ពីយើងកាត់បន្ថយបំណុចជាតិរួច”។
រដ្ឋាភិបាលអង់គ្លេសមានភាគហ៊ុនចំនួន ៣៩ភាគរយនៃធនាគារ Lloyds ក្រោយពីលក់ភាគហ៊ុនមួយចំនួនកាលពីឆ្នាំ ២០០៨ ដែលទទួលបានប្រាក់ចំនួន ២០,៣ពាន់លានផោន ដើម្បីដោះស្រាយវិបត្តិហិរញ្ញវត្ថុ ប៉ុន្តែនៅពេលនេះគឺនៅសល់ត្រឹមតែ ៣៣ភាគរយប៉ុណ្ណោះ ព្រោះថាបានលក់ ៦ភាគរយ។
លោករដ្ឋមន្ត្រីបានឲ្យដឹងថា គំនិតនៃការលក់ភាគហ៊ុននេះគឺបានមកពីក្រុមអ្នកវិនិយោគហរិញ្ញវត្ថុរបស់អង់គ្លេស ដោយបានពិចារណរ និងពិភាក្សារួចរាល់ រដ្ឋាភិបាលក៏បានយល់ព្រមអនុញ្ញាតឲ្យប្រតិបត្តិការនេះតែម្ដង៕
មតិយោបល់