ក្រុមហ៊ុន Media របស់សៀងហៃមួយបាននិយាយកាលពីថ្ងៃចន្ទម្សិលមិញនេះថា ខ្លួននឹងសហការជាមួយក្រុមហ៊ុន Microsoft ក្នុងការបង្កើតនូវក្រុមហ៊ុនថ្មីរួមទុនគ្នា ដោយផ្ដោតលើការកម្សាន្ត។
BesTV New Media Co., Ltd បាននិយាយនៅក្នុងសេចក្ដីប្រកាសមួយថា ខ្លួននឹងកាន់កាប់ ភាគហ៊ុន ៥១ភាគរយ ចំណែក Microsoft ៤៩ភាគរយ ទៅលើក្រុមហ៊ុនថ្មី “E-Home Entertainment Development”។
ក្រុមហ៊ុនថ្មីនេះគឺត្រូវផ្ដោតសំខាន់លើការបង្កើតហ្គេម និងសេវាកម្មផ្សេងៗដែលពាក់ព័ន្ធ។
ក្រុមហ៊ុន BesTV និង Microsoft បានយល់ព្រមគ្នាលើកិច្ចព្រមសន្យាមួយចំនួន ដោយនៅក្នុងនោះ
ក្រុមហ៊ុន BesTV ជាអ្នកជ្រើសរើសប្រធានក្រុមប្រឹក្សាភិបាល ចំណែក Microsoft ជាអ្នកជ្រើសរើសនាយកប្រតិបត្តិ។
តាមការឲ្យដឹង ក្រុមហ៊ុនទាំងពីរបានចំណាយប្រាក់សរុប ២៣៧លានដុល្លារអាមេរិកក្នុងការស្ថាបនាក្រុមហ៊ុនថ្មីនេះឡើង។
គួរបញ្ជាក់ផងដែរថា បច្ចុប្បន្ននេះ BesTV មានអថិថិជនដែលប្រើបណ្ដាញទូរទស្សន៍របស់ខ្លួនចំនួន ១៨លាននាក់៕
មតិយោបល់