កីឡាករ Ronaldo សញ្ជាតិព័រទុហ្គាល នឹងទិញរថយន្តថ្មីសន្លាង Ferrari ពណ៌ទឹកប៊ិចចាស់ ក្នុងតម្លៃ ១,៣ លានអឺរ៉ូ សម្រាប់រដូវកាលថ្មី ដែលបន្តកុងត្រាជាមួយនឹង Real Madrid ។
នៅខែ កញ្ញានេះ Ronaldo បានដាក់ប៊ិចលើក្រដាស់ ដើម្បីបន្តកុងត្រាថ្មី ជាមួយនឹងក្លិបខ្លួន រហូតដល់ឆ្នាំ ២០១៨ ជាមួយនឹងប្រាក់ខែ ១៧ លានអឺរ៉ូ ក្នុងមួយឆ្នាំ ដែលក្លាយជាកីឡាករដែលមានតម្លៃខ្លួនខ្ពស់បំផុតក្នុងប្រវត្តិសាស្ត្របាល់ទាត់ ។
ទន្ទឹមជាមួយនឹងគ្នានេះដែរ ដើម្បីអបអរសម្រាប់កុងត្រាថ្មី កំពូលតារាបាល់ទាត់ សញ្ជាតិព័រទុហ្គាល ចង់ទិញរថយន្ត Ferrari ថ្មីមួយគ្រឿង ដែលមានពណ៌ដូចអាវក្លិបរបស់ខ្លួនលេងក្រៅទឹកដី។រថយន្ត Ferrari របស់ Ronaldo អាចធ្វើដំណើរបាន ៣៥០ គីឡូម៉ែត្រ ក្នុងមួយម៉ោង ហើយរថយន្តនេះដែរ នឹងក្លាយជាកម្មសិទ្ធ Ronaldo នៅឆ្នាំបន្ទាប់នេះ។
ថ្មីៗនេះដែរ Ronaldo បានក្លាយជាម្ចាស់កម្មសិទ្ធ រថយន្ត Ferrari 599 GTB, Ferrari 575 និង Ferrari 599 GTO ។ ក្រៅពីនេះនៅមានរថយន្តថ្លៃៗមួយចំនួនទៀតដូចជា Porsche, Bugatti , Mc Laren , Aston Martin , Bentley, Rolls Royce ឬក៏ Lamborghini ជាដើម៕
ព័ត៌មានជាតិ
មតិយោបល់