យោងតាមប្រភពព័តមានបរទេសនានា ចុះផ្សាយនៅថ្ងៃទី ៣ ខែតុលាឆ្នាំ២០១៣ បានឲ្យដឹងថា សាកសពយុវជនបីនាក់ដែលគេបាញ់សម្លាប់ ត្រូវបានគេរកឃើញនៅខាងក្រោយផ្ទះមួយនៅក្នុងរដ្ឋ Texas ក្នុងប្រទេសសហរដ្ឋអាមេរិច។
តាមរបាយការណ៍ប៉ូលិស បានប្រាប់ឲ្យដឹងថា ជនរងគ្រោះទាំងបីនាក់ត្រូវបានគេរកឃើញ បន្ទាប់ពីការសម្លាប់ប្រហែលជា ១៦ ម៉ោង នៅក្បែរលំនៅដ្ឋានមួយកន្លែង។ សាកសពបុរសពីរនាក់ ម្នាក់សម្បុលខ្មៅ និងម្នាក់ទៀតសម្បុលសត្រូវបានគេរកឃើញនៅក្នុងរថយន្តម៉ាក Ford Mustang ពណ៌សមួយគ្រឿង គណៈពេលដែលសាកសពជនរងគ្រោះម្នាក់ទៀតត្រូវបានគេរកឃើញនៅក្នុងសួនច្បារនៃកន្លែងចតរថយន្ត។ ប៉ូលិសបន្តទៀតថា ជនរងគ្រោះទាំងបីមានវ័យប្រហែលជា ២០ ឆ្នាំ ហើយពួកគេបានរកឃើញកាំភ្លើងខ្លីពីរដើមដែលនៅក្បែរកន្លែងកើតហេតុនោះ។ ទោះជាយ៉ាងណាក៏ដោយពុំទាន់មានភស្តុតាងច្បាស់លាស់ដើម្បីកំណត់អត្តសញ្ញាណជនសង្ស័យនៅក្នុងឧក្រិដ្ឋកម្មនេះនៅឡើយ ដូច្នេះមានតែធ្វើការស៊ើបអង្កេតករណីនេះបន្តទៀត៕
ព័ត៌មានជាតិ
មតិយោបល់