ព្រៃវែង: យោងតាមផេកអគ្គនាយកដ្ឋានកាំកុងត្រូល បានឲ្យដឹងថា នៅថ្ងៃពុធ ៥កើត ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២១ ខែមីនា ឆ្នាំ២០១៨ មន្រ្តីសាខាកាំកុងត្រូលខេត្តព្រៃវែង បានចុះត្រួតពិនិត្យទំនិញ នៅផ្សារច្រេស ស្ថិតនៅភូមិចន្ទ័គ្រឹះស្នា ឃុំច្រេស ស្រុកមេសាង ខេត្តព្រៃវែង បានរកឃើញទំនិញខូចគុណភាពហួសកាលបរិច្ឆេទប្រើប្រាស់ ចំនួន ១០មុខ ស្មើនឹង ១១៩.៤ គ.ក. ក្នុងនោះរួមមានទឹកក្រូច ទឹកសណ្តែក ស្រាបៀរ ទឹកដោះគោខាប់ ពោតកំប៉ុង កាពិ ទឹកផ្លែឈើ សាម៉ារ៉ៃ ចាហួយដូង និងឡេល្ពៅ គ្មានផ្លាកសញ្ញាត្រឹមត្រូវ។

ក្នុងសកម្មភាពនោះ មន្រ្តីកាំកុងត្រូលបានពន្យល់ដល់អាជីវករពីរបៀបមើលថ្ងៃផលិត និងថ្ងៃផុតកំណត់របស់ទំនិញ, អំពីការដាក់តាំងលក់ទំនិញ និងអំពីអនាម័យ និងបានបិទផ្ទាំងរូបភាពបាន ៥៥ផ្ទាំង ដោយបានពន្យល់ពីអត្តន័យនែរូបភាពនីមួយៗបន្លែមទៀតផងដែរ ៕