ក្រុមហ៊ុនផលិតរថយន្តជប៉ុន Nissan Motor Co នឹងលក់រថយន្តម៉ូដែល Infiniti Luxury នៅលើទឹកដីកំណើតរបស់ខ្លួន ដើម្បីពង្រីកទីផ្សារ ក៏ដូចជាបំពេញនូវតម្រូវការរបស់អតិថិជន។
យោងតាមសារព័ត៌មាន Nikkei បានឲ្យដឹងថា Nissan សម្រេចចិត្តលក់រថយន្តម៉ូដែល Infiniti នៅលើទឹកដីកំណើតគឺដើម្បីប្រកួតប្រែងជាមួយនឹងក្រុមហ៊ុនផលិតរថយន្តអាល្លឺម៉ង់ BMW។
ក្រុមហ៊ុនបាននិយាយថា នឹងធ្វើការរចនាម៉ូដ ម៉ូដែល Skyline ដែលជាប្រភេទរថយន្តស្ព័រឡើងវិញសម្រាប់ទីផ្សារប្រទេសជប៉ុន។ Skyline ជាម៉ូដែលរថយន្តមួយរបស់ Nissan ដែលលក់ដាច់ជាងគេនៅសហរដ្ឋអាមេរិក ក្នុងតម្លៃ ៣៦.៧០០ដុល្លារអាមេរិក ប៉ុន្តែសម្រាប់ទីផ្សារប្រទេសជប៉ុនវិញនៅមិនទាន់កំណត់នោះទេ។
ពាក់ព័ន្ធនឹងព័ត៌មាននេះ អ្នកនាំពាក្យរបស់ Nissan មិនបានបញ្ចេញមតិអ្វីទាំងអស់ ប៉ុន្តែក្រុមអ្នកវិភាគបានលើកឡើងថា នេះប្រហែលជាការពិត៕
មតិយោបល់