យោងតាមប្រភពព័ត៌មាន Softpedia ដែលចុះផ្សាយនៅថ្ងៃទី ១៤ ខែតុលា ឆ្នាំ ២០១៣ បានឲ្យដឹងថា ឪពុកម្តាយគ្រប់រូបគួរតែទម្លាប់ឲ្យកូនរបស់ខ្លួនគេងឲ្យទៀងពេលវេលា ទាំងពេលដេកទាំងពេលភ្ញាក់មកវិញ ដើម្បីឲ្យការលូតលាស់រាងកាយ និងខួរក្បាលរបស់កុមារមានភាពប្រក្រតី។
អ្នកស្រាវជ្រាវនៃសាកលវិទ្យាល័យក្រុងឡុងដ៍បានពន្យល់ថា បើតាមការស៊ីបអង្កេតនៃការដេកមិនទៀងទាត់របស់ក្មេងដែលមានអាយុចាប់ពី ៧ ឆ្នាំ ឡើងទៅទំនងជាមានសកម្មភាពកាន់តែច្រើនឡើងៗ ក្នុងពេលចម្រើនវ័យរបស់ពួកគេពីមួយឆ្នាំទៅមួយឆ្នាំ។ ក្រៅពីនេះការគេងខុសប្រក្រតីអាចធ្វើឲ្យប៉ះពាល់ដល់ការអភិវឌ្ឍខួរក្បាល និងសុខភាពរបស់កុមាររយៈពេលយូរអង្វែង។ លោកសាស្ត្រាចារ្យ Yvonne Kelly មានប្រសាសន៍ថាការគេងមិនបានគ្រប់គ្រាន់ធ្វើឲ្យប្រតិកម្មដ៏ការអភិវឌ្ឍនៃរាងកាយជាប្រចាំថ្ងៃ យើងដឹងហើយថាការអភិវឌ្ឍន៍របស់កុមារក្នុងដំណាក់កាលដំបូងមានឥទ្ធិពលណាស់ទៅលើសុខមាលភាព។
ដូច្នេះហើយប្រសិនបើមានការរំខានដំណេករបស់កុមារច្រើនពេកនៅក្នុងវ័យដែលកំពុងតែលូតលាស់បែបនេះអាចធ្វើឲ្យប៉ះពាល់ដល់សុខភាពរបស់កុមារពេញមួយជីវិត៕
ព័ត៌មានជាតិ
មតិយោបល់