បុគ្គលិកក្រុមហ៊ុន Apple បានប្ដឹងចោទប្រកាន់ថា ក្រុមហ៊ុន Apple បានបង្ខំឲ្យបុគ្គលិកធ្វើការបន្ថែមម៉ោងនៅក្នុងហាងលក់ទំនិញរបស់ខ្លួន ដោយមិនបានផ្ដល់នូវប្រាក់បន្ថែមម៉ោងនោះទេ។
Taylor Kalin ជាអតីតបុគ្គលិកបម្រើការងារនៅក្នុងហាងរបស់ Apple បានប្ដឹង Apple ថា មិនមែនមានតែគាត់ម្នាក់នោះទេ ដែលបានជួបរឿងអយុត្តិធម៌នោះ នៅមានបុគ្គលិកជាច្រើននាក់ផ្សេងទៀត។
ពាក់ព័ន្ធរឿងមួយទៀតថា ក្រុមហ៊ុន Apple តែងតែត្រួតពិនិត្យលើខ្លួនរបស់ពួកគេជានិច្ចនៅមុនពេលចាកចេញពីហាង ដោយចំណាយពេលយ៉ាងតិចក៏ ៣០នាទីដែរក្នុងការត្រូតពិនិត្យ។
កាលពីខែសីហា កន្លងទៅ ក៏មានករណីស្រដៀងគ្នានេះផងដែរ ដោយមានបុគ្គលិកApple ពីររូបបានប្ដឹងថា ក្រុមហ៊ុន Apple ហាក់ដូចជាមិនទុកចិត្តលើបុគ្គលិករបស់ខ្លួនដែលបម្រើការងារនៅក្នុងហាង ជាពិសេសគឺរឿងបន្ថែមម៉ោងធ្វើការ ហើយមិនផ្ដល់ប្រាក់បន្ថែមម៉ោង ដោយក្នុងមួយសប្ដាហ៍យ៉ាងហោចណាស់ក៏លើ ៤០ម៉ោងដែរ។
ពាក់ព័ន្ធនឹងបញ្ហានេះ ខាងក្រុមហ៊ុន Apple នៅមិនទាន់មានសេចក្ដីបំភ្លឺណាមួយនោះទេ ប៉ុន្តែក្រុមអ្នកឃ្លាំមើលបានរកឃើញថា ការត្រួតពិនិត្យនៅមុនពេលចេញពីធ្វើការ ពិតជាបានធ្វើឲ្យពួកគេខាតពេលវេលា ហើយ Apple មិនបានគិតលុយថ្លៃពេលវេលានោះសម្រាប់ពួកគេនោះទេ៕
មតិយោបល់