ក្រសួងការងាររបស់ប្រទេសអាល្លឺម៉ង់ បានអនុម័តច្បាប់ថ្មី ដោយហាមដល់ប្រធានក្រុមហ៊ុន ផ្ញើសារ អ៊ីមេល ឬទូរស័ព្ទទៅកាន់បុគ្គលិករបស់ខ្លួននៅក្រៅម៉ោងធ្វើការ។
ព័ត៌មាននេះ ពិតជាបានធ្វើឲ្យប្រជាពលរដ្ឋអាល្លឺម៉ង់ ជាពិសេសបុគ្គលិកដែលបម្រើការងារនៅតាមក្រុមហ៊ុនទាំងអស់មានការសប្បាយរីករាយ។
នៅក្នុងសេចក្ដីប្រកាសក៏បានបង្ហាញពីករណីលើកលែងផងដែរ ដោយនៅក្នុងនោះ ប្រធានក្រុមហ៊ុន អាចធ្វើការផ្ញើសារ អ៊ីមេល ឬទូរស័ព្ទទៅកាន់បុគ្គលិកបានក្នុងករណីដែលការងារនោះបន្ទាន់ខ្លាំង ដែលអាចធ្វើឲ្យការងារក្រុមហ៊ុនស្ទះ។
ច្បាប់នេះ បានជួយកាត់បន្ថយកំហុសនៅពេលដែលបុគ្គលិកបិទទូរស័ព្ទនៅក្រៅម៉ោងធ្វើការ។
រដ្ឋមន្ត្រីក្រសួងការងារ បានថ្លែងថា មូលហេតុដែលចេញច្បាប់នេះ ដោយសារតែអាល្លឺម៉ង់ ព្រួយបារម្ភលើបញ្ហាសុខភាពផ្លូវចិត្តរបស់បុគ្គលិក ព្រោះថាបើសិនជាបុគ្គលិកទទួលរងសម្ពាធមួយ អាចធ្វើឲ្យកើតមានបញ្ហាផ្លូវចិត្ត ជាពិសេសអាចធ្វើការពួកគាត់សម្រេចចិត្តលាឈប់ពីការងារ និងធ្វើឲ្យប៉ះពាល់ដល់សេដ្ឋកិច្ចជាតិ៕
មតិយោបល់