Marko Ahtissari ប្រធានរចនាផលិតផលរបស់ក្រុមហ៊ុន Nokia បានសារភាពថា ជាងមួយឆ្នាំកន្លះមកនេះ ក្រុមហ៊ុនបានចំណាយពេលក្នុងការបង្កើត Tablet ហើយនៅទីបំផុតវាក៏បានលេចចេញជារូបរាងឡើង។
នៅថ្ងៃទី២២ខែតុលា ឆ្នាំ ២០១៣ ក្រុមហ៊ុន Nokia បានបង្ហាញឲ្យដឹងជាផ្លូវការនូវ Tablet ដំបូងរបស់ខ្លួន ដោយមានឈ្មោះថា “Nokia Lumia 2520”។
Nokia បានបង្ហើបឲ្យដឹងថា Lumia 2520 ប្រើប្រាស់ប្រព័ន្ធដំណើរការ Windows RT និងអាចប្រើប្រព័ន្ធ LTE បាន។ នៅខែក្រោយ Nokia នឹងចេញលក់ Tablet មួយនេះនៅលើទីផ្សារ ប៉ុន្តែប្រហែលជាមាននៅតែអាមេរិកដំបូងគេ ដោយក្នុងនោះលក់តម្លៃ ៤៩៩ដុល្លារអាមេរិក៕
មតិយោបល់