កាលពីថ្ងៃទី ២២ ខែ តុលានេះ វេលាម៉ោង ១៩ និង ៤៥ នាទី ម៉ោង ១ និង ៤៥ នាទីរំលងអធ្រាត្រនៅកម្ពុជា ក្លិបបាល់ទាត់ កាំភ្លើងធំ Arsenal បានចាញ់ក្លិប Borussia Dortmund លើទឹកទីលានបាល់ទាត់ EMIRATES STADIUM របស់ខ្លួនដោយលទ្ធផល 2-1 ក្នុងក្របខណ្ឌ UEFA Champions League ។
ក្នុងជំនួបប្រកួតនេះកីឡាករសញ្ជាតិប៉ូឡូញ Robert Lewandowski បានធ្វើឲ្យក្លិបកាំភ្លើងធំចាញ់ទាំងមិនអស់ចិត្ត ខណៈដែល MKHITARYAN របស់ Dortmund រកគ្រាប់បាល់បាននៅនាទី ១៦ ក្នុងតង់ទី ១ និង GIROUD របស់កាំភ្លើងធំរកគ្រាប់បាល់តាមស្មើ នៅនាទី ៤១ ។
នៅនាទី ៨២ ក្នុងតង់ទី ២ កីឡាករ Robert Lewandowski បានបន្ថែមមួយគ្រាប់ទៀតយ៉ាងល្អ ធ្វើឲ្យកាំភ្លើងធំ ហេហើរលើទឹកដីរបស់ខ្លួន ដោយអង្គុយលើកៅអី ៦ ពិន្ទុដូចគ្នាក្នុងចំណោម ៣ ប្រកួត ដែលស្ថិតនៅក្នុង ក្រុម F ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់