ប្រាក់ចំណូល Apple នៅក្នុងត្រីមាសថ្មីនេះ កើនឡើងលើសការរំពឹងទុករបស់ក្រុមហ៊ុន និងក្រុមអ្នកវិភាគ ដោយសារតែមានការជំរុញទីផ្សារស្មាតហ្វូនពី iPhone 5S និង iPhone 5C ។
សារព័ត៌មាន AllThingsD បានចុះផ្សាយនៅថ្ងៃចន្ទម្សិលមិញនេះថា ក្រុមហ៊ុន Apple ទទួលបានប្រាក់ចំណូល ៣៧,៥ពាន់លានដុល្លារអាមេរិក លើសពីការរំពឹងទុក ដោយកាលពីខែកញ្ញាកន្លងទៅ Apple បានរំពឹងថា ខ្លួននឹងទទួលបានប្រាក់ចំណូលនៅចន្លោះពី ៣៤-៣៧ពាន់លានដុល្លារអាមេរិក ចំណែកក្រុមអ្នកវិភាគវិញ បានរំពឹងទុកថា Apple នឹងទទួលបាន ៣៦,៨២ពាន់លានដុល្លារអាមេរិក។
នៅក្នុងត្រីមាសទី៤នេះ ក្រុមហ៊ុន Apple លក់ iPhone បានចំនួន ៣៣,៨លានគ្រឿង គិតជាទឹកប្រាក់មានចំនួនជាង ១៩ពាន់លានដុល្លារអាមេរិក ចំណែក iPad លក់បាន ១៤លានគ្រឿងគិតជាទឹកប្រាក់មានចំនួនជាង ៦ពាន់លានដុល្លារអាមេរិក។
ប្រភពខាងលើបានបញ្ជាក់ថា ក្រុមហ៊ុន Apple នឹងចែកភាគលាភដល់ម្ចាស់ភាគហ៊ុនទាំងអស់នៅខែវិច្ឆិកា ឆ្នាំ ២០១៣ ហើយនឹងបង្ហាញរបាយការណ៍ហិរញ្ញវត្ថុផងដែរ៕
ព័ត៌មានជាតិ
មតិយោបល់