ក្រុមហ៊ុនផលិតរថយន្តកូរ៉េខាងត្បូង Hyundai Motor Co គ្រោងប្រកាសប្រមូលរថយន្តចំនួន ១០៣.២១៤គ្រឿង ម៉ូដែល Genesis នៅក្នុងប្រទេសកូរ៉េខាងត្បូង លើបញ្ហាផ្នែកប្រព័ន្ធហ្វ្រាំងរថយន្ត នេះជាលើកទី៣ហើយក្នុងឆ្នាំនេះ ដែលក្រុមហ៊ុន Hyundai Motor Co ប្រកាសប្រមូលរថយន្ត។
ម៉ូដែល Genesis ដែលត្រូវបានប្រមូលនោះគឺបង្កើតឡើងនៅចន្លោះខែធ្នូឆ្នាំ២០០៧ ដល់ខែមីនា ឆ្នាំ ២០១២ ប៉ុន្តែបញ្ហាដែលកើតមានមិនបណ្ដាលឲ្យប៉ះពាល់ដល់អាយុជីវិត ឬរងរបួសឡើយ។
កាលពីសប្ដាហ៍មុន ក្រុមហ៊ុន Hyundai Motor Co បានប្រមូលរថយន្តម៉ូដែល Genesis នៅក្នុងសហរដ្ឋអាមេរិកចំនួន ២៧.៥០០គ្រឿង ដែលផលិតឡើងនៅក្នុងប្រទេសកូរ៉េខាងត្បួង ដោយកើតមានករណីដូចគ្នា។
គួរបញ្ជាក់ផងដែរថា កាលពីខែមេសា ក្រុមហ៊ុន Hyundai និង Kia បានប្រកាសប្រមូលរថយន្តជាង ១,៨លានគ្រឿងនៅសហរដ្ឋអាមេរិកមកធ្វើការជួសជុល ក្នុងករណីដូចគ្នា៕
មតិយោបល់