មន្ត្រីរបស់ប្រទេសបារាំងនិងម៉ាលីបានបញ្ជាក់កាលពីថ្ងៃម្សិលមិញថាអ្នកកាសែត 2 នាក់ដែលត្រូវបានសម្លាប់នៅទីក្រុង Kida ភាគខាងជើងនៃប្រទេសម៉ាលី។
ទីក្រុង Kidal ជាកន្លែងកំណើតនៃក្រុមឧទ្ទាម Tuareg កាលពីឆ្នាំទៅហៅដែលជាអ្នកធ្វើឲ្យប្រទេសម៉ាលីធ្លាក់ទៅក្នុងភាពវឹកវរ។ក្រសួងការបរទេសនៃប្រទេសបារាំងបាននិយាយថាអ្នកកាសែតដែលមានឈ្មោះ Claude Verlon និង Ghislain Dupont ជាបុគ្គលិកធ្វើការឲ្យវិទ្យុបារាំងអន្តរជាតិ Rodio France International ត្រូវបានចាប់ខ្លួនដោយក្រុមខ្មាន់កាំភ្លើង។សាកសពរបស់ពួកគេទាំងពីរក្រោយមកត្រូវបានគេរកឃើញនៅក្រៅក្រុងដោយមានស្លាកស្នាមកាំភ្លើងផង។
ក្រសួងការបរទេសបារាំងបានសន្យាថានឹងធ្វើការជាមួយអជ្ញាធរប្រទេសម៉ាលីក្នុងការកំណត់ឲ្យច្បាស់ពីសមាសភាពនៃក្រុមខ្មាន់កាំភ្លើងដែលបានចាប់ខ្លួនអ្នកកាសែតបារាំងទាំងពីរនាក់នោះ៕
មតិយោបល់