អនុប្រធានវិស្វកម្ម iOS របស់ក្រុមហ៊ុន Apple បានលាឈប់ពីក្រុមហ៊ុន បន្ទាប់ពីបម្រើការងារអស់រយៈពេលជាង ២០ឆ្នាំ។
យោងតាមបណ្ដាញសង្គម Facebook និង LinkedIn បានឲ្យដឹងថា លោក Henri Lamiraux អនុប្រធានវិស្វកម្មប្រព័ន្ធដំណើការ iOS ឈប់ពីតំណែង។
លោក Lamiraux បានសរសេរនៅលើគណនីផ្ទាល់ខ្លួនរបស់ LinkedIn ថា លោកបានចូលនិវត្តន៍ (លាឈប់ពីអនុប្រធានវិស្វកម្ម iOS) ដោយព័ត៌មានបានធ្វើឲ្យអតិថិជន Apple ជាច្រើនមានការងឿងឆ្ងល់ និងសោកស្ដាយ។
ដ្បិតតែលោក Lamiraux បានសរសេរនៅលើ LinkedIn ថាលោកចូលនិវត្តន៍ក្ដី ប៉ុន្តែលោកមិនបានបញ្ជាក់អំពីម៉ូដែលនោះទេ ហើយខាងក្រុមហ៊ុន Apple ក៏បានបញ្ជាក់អំពីរឿងនេះដែរ។
បើតាមការឲ្យដឹង លោក Lamiraux បានសម្រេចចិត្តឈប់តាំងពី iOS 7.0.3 បង្ហាញខ្លួន។ យោងតាមឯកសារបានឲ្យដឹងថា Lamiraux បានចូលបម្រើការងារនៅ Apple ជាវិស្វកម្ម Mac ប៉ុន្តែនៅឆ្នាំ ២០០៥ ខណៈពេលដែល Apple បង្កើត iOS លោក Lamiraux ត្រូវបានបញ្ជូនចូលទៅកាន់ក្រុម iOS ហើយគិតមកដល់ពេលនេះ លោក Lamiraux បម្រើការងារនៅ Apple បាន ២៣ឆ្នាំ៕
ព័ត៌មានជាតិ
មតិយោបល់