ក្រុមហ៊ុនផលិតកុំព្យូទ័រធំមួយរបស់អាមេរិក International Business Machines (IBM) បានប្រកាសជាផ្លូវការថា លោក Mark Loughirdge ដែលជាប្រធានហិរញ្ញវត្ថុរបស់ខ្លួននៅចូលនិវត្តន៍នៅខែក្រោយ។
សេចក្ដីប្រកាសនេះត្រូវបានឲ្យដឹងកាលពីថ្ងៃព្រហស្បតិ៍ម្សិលមិញនេះ បន្ទាប់ពីទីផ្សារភាគហ៊ុនរបស់ IBM ធ្លាក់ចុះបន្តិចបន្តូច តែវាមិនមែនជាបញ្ហាចោទសម្រាប់ក្រុមហ៊ុនមួយនេះនោះទេ។
លោក Mark Loughirdge បានចូលបម្រើការងារនៅក្នុងក្រុមហ៊ុនកុំព្យូទ័រនេះ តាំងពីឆ្នាំ ១៩៧៧ ពោលគឺជាងមួយទសវត្ស៍មកហើយ ហើយមកដល់ពេលនេះ គាត់ក៏មានវ័យ ៦០ឆ្នាំផងដែរ។ ក្រោយពេលគាត់ចូលនិវត្តន៍ ក្រុមហ៊ុន IBM បានជ្រើសរើសលោក Martin Schroeter ដែលជាប្រធានហិរញ្ញវត្ថុសកលឲ្យកាន់តំណែងនេះជំនួសលោក Loughirdge នៅថ្ងៃទី០១ខែមករា ឆ្នាំក្រោយ ព្រោះថា លោក Loughirdge នឹងចូលនិវត្តន៍នៅថ្ងៃទី៣១ ខែធ្នូ ឆ្នាំ ២០១៣៕
មតិយោបល់