ទីក្រុង Houston (10/11/13) ៖អជ្ញាធរនៃទីក្រុងហ៊ូស្តុនបាននិយាយកាលពីថ្ងៃអាទិត្យម្សិលមិញថាមនុស្សយ៉ាងហោចណាស់ 2 នាក់ត្រូវបានបាញ់សម្លាប់និង 22 នាក់ទៀតរងរបួសនៅក្រោយពេលខ្មាន់កាំភ្លើងម្នាក់បានសម្រុកចូលទៅក្នុងពិធីជប់លៀងនៅផ្ទះមួយនៅក្នុងទីក្រុងហ៊ូស្តុនកាលពីយប់ថ្ងៃសៅរ៍។
ហេតុការណ៍នៃការផ្ទុះអាវុធនេះបានកើតឡើងនៅវេលាម៉ោងប្រមាណជាពាក់កណ្តាលយប់ថ្ងៃសៅរ៍នៅពេលដែលមនុស្សប្រហែលជា 100 នាក់ដែលភាគច្រើនសុទ្ធតែជាក្មេងជំទង់ៗដែលបានមកចូលរូមពិធីជប់លៀងខួបកំណើត។ខ្មាន់កាំភ្លើងចាប់ផ្តើមបាញ់រះចាប់ពីក្នុងផ្ទះរហូតដល់ក្រៅព្រោះថាមនុស្សនាំគ្នារត់ប្រសាចទៅរកកន្លែងលាក់ខ្លួន។បើយោងតាមសាក្សីម្នាក់បានឲ្យដឹងថាខ្មាន់កាំភ្លើងបានចាប់ផ្តើមបាញ់ពីខាងក្នុងនៅពេលដែលមនុស្សភាគច្រើនកំពុងតែរាំសប្បាយហើយក៏បានដើរចេញទៅក្រៅដើម្បីបាញ់អ្នកឯទៀតដែលរត់គេចខ្លួនផងដែរ។
ប៉ូលិសកំពុងស្វែងរកចាប់ខ្លួនជនសង្ស័យពីរនាក់ដែលត្រូវបានជឿជាក់ថាមានម្នាក់ជាខ្មាន់កាំភ្លើងតែនៅមិនទាន់មានការបញ្ជាក់ណាមួយច្បាស់នៅឡើយទេ៕
ប្រភព៖ស៊ិនហួរ
មតិយោបល់