ហ្វីលីពីន៖បើយោងតាមសេចក្តីរាយការណ៍របស់អជ្ញាធររបស់ប្រទេសហ្វីលីពីនបានឲ្យដឹងថា មកត្រឹមថ្ងៃអាទិត្យម្សិលមិញនេះ ព្យុះទីហ្វុងដ៏អាក្រក់ដែលមិនធ្លាប់មានបានសម្លាប់មនុស្សដល់ទៅ ១ម៉ឺននាក់គិតត្រឹមតែទីក្រុង Talconban ហើយរាប់រយនាក់ទៀតដែលបានស្លាប់នៅតំបន់ផ្សេងគ្នា។
ព្យុះទីហ្វុងដ៏អាក្រក់បានហូរនិងបក់យកផ្ទះសាលាអាកាសយានដ្ឋាន និងស្ទើរតែអ្វីៗទាំងអស់ដែលមាននៅក្នុងទីក្រុង Talcoban ហើយអ្នកជួយសង្រ្គោះនៅបន្តការជួយរុករកនៅតាមតំបន់ភូមិដទៃទៀតដែលពិបាក់នឹងចូលទៅដល់ដោយសារការកាត់ផ្តាច់នៃប្រព័ន្ធគមនាគមន៍ផង។
នៅតាមតំបន់ជាច្រើនដែលបានទទួលរងការប៉ះពាល់ពីព្យុះកំណាចមួយនេះគឺគ្មានទឹកស្អាត និងភ្លើងនោះទេហើយថែមទាំងកង្វះម្ហូបអាហារយ៉ាងច្រើនផងដែរ។កងកម្លាំងទាហានរាប់ពាន់នាក់ត្រូវបានដាក់ពង្រាយទៅតាមតំបន់ឯទៀតដែលអាចទៅដល់ក្នុងការជួយសង្រ្គោះ និងស្វែងរកសាកសព៕
មតិយោបល់