ទីភ្នាក់ងារសារព័ត៌មាន CNN បានឲ្យដឹងថាអនុរដ្ឋមន្ត្រីក្រសួងពាណិជ្ជកម្មរបស់អ៊ីរ៉ង់លោក Safdar Rahmatabadi ត្រូវបានគេលួចបាញ់សម្លាប់នៅក្នុងរថយន្តរបស់លោក កាលពីយប់ថ្ងៃអាទិត្យម្សិលមិញនេះនៅក្នុងទីក្រុងតេហរ៉ង់។
លោក Safdar ត្រូវបានឃាតករដែលត្រូវបានជឿជាក់ថាជាសមាជិកនៃក្រុមប្រយុទ្ធប្រឆាំងនឹងរដ្ឋាភិបាលបាញ់ចំក្បាលនិងដើមទ្រូង។មន្ត្រីប៉ូលិសបាននិយាយថាខ្លួនបានរកឃើញសំបកគ្រាប់ពីរដែលនៅក្នុងរថយន្តហើយមិនមានស្នាមបែកនៃកញ្ចក់ទ្វារឡាននោះទេដែលវាបានធ្វើឲ្យគេសង្ស័យថាជាករណីបាញ់សម្លាប់នៅក្នុងឡានហើយឃាតករនិងរូបលោករដ្ឋមន្ត្រីរូបនេះទំនងជាបាននិយាយពិភាក្សាគ្នាមុនការបាញ់សម្លាប់កើតឡើង៕
មតិយោបល់