អត្រាគ្មានការងារធ្វើរបស់ចក្រភពអង់គ្លេសបានធ្លាក់ចុះមកនៅត្រឹម ៧,៦ភាគរយ នៅក្នុងត្រីមាសទី៣ ដោយបានធ្លាក់ចុះពី ៧,៧ភាគរយ កាលពីត្រីមាសទី២។ នេះបើយោងតាមរបាយការណ៍បង្ហាញកាលពីថ្ងៃពុធកន្លងទៅ។
ការិយាល័យស្ថិតិជាតិ បានបង្ហាញថា មនុស្សចំនួន ២,៤៧លាននាក់គ្មានការងារធ្វើ ដោយគិតត្រឹមរយៈពេល៣ខែចុងក្រោយនេះ ដោយបានថយចុះ ៤៨.០០០នាក់ កាលពីខែមិថុនា។
ធនាគារកណ្ដាលអង់គ្លេសបានបង្ហាញថា កាលពីដើមខែសីហា អត្រាការប្រាក់គោលរបស់អង់គ្លេសបានធ្លាក់មកនៅកម្រិងទាប ដែលជាកំណត់មួយដូចគ្នាទៅនឹងកាលពីខែមីនា ឆ្នាំ ២០០៩ ប៉ុន្តែប្រទេសមួយនេះបានរំពឹងទុកថា អត្រាគ្មានការងារធ្វើនឹងធ្លាក់់ចុះមកនៅត្រឹម ៧ភាគរយ នាឆ្នាំ ២០១៦។
នៅក្នុងរបាយការណ៍បានឲ្យដឹងថា ចំនួនមនុស្សដែលស្វែងរកការងារធ្វើនៅក្នុងខែតុលាកន្លងទៅបានធ្លាក់ចុះច្រើន ប៉ុន្តែវាមិនមែនជាតួលេខដែលធ្វើឲ្យអង់គ្លេសសប្បាយចិត្តនោះទេ។ ចំនួនមនុស្សដែលស្វែងរកការងារមានអាយុចាប់ពី ១៦ដល់ ៦៤ឆ្នាំ មានចំនួន ៧១,៨ភាគរយ។
គួរបញ្ជាក់ផងដែរថា ប្រាក់ឈ្នូលសរុបជាមធ្យម រួមមានប្រាក់លើកទឹកចិត្តសម្រាប់បុគ្គលិក សរុបមានចំនួន ៤៧៥ផោន ស្មើនឹង ៧៦០ដុល្លារអាមរិកក្នុងមួយសប្ដាហ៍៕
មតិយោបល់