ឡានក្រុងមួយដែលបានធ្វើដំណើរពីទីក្រុង Bangalor ទៅកាន់ទីក្រុង Mumbai ជាមួយនឹងអ្នកដំណើរជាង 40 នាក់បានជួបគ្រោះថ្នាក់អកុសលមួយដោយអគ្គិសភ័យបានឆាបឆេះឡើងកាលពីព្រឹកថ្ងៃព្រហស្បតិ៍នេះ។
អ្នកដំណើរជាច្រើននាក់និងអ្នកបើកបរបានព្យាយាមរត់ចេញពីរថយន្តដែលកំពុងឆេះនៅពេលដែលមនុស្ស 7 នាក់ចុងក្រោយមិនអាចរត់រួចពីគ្រោះថ្នាក់នេះនោះទេ។ហេតុការណ៍នេះកើតឡើងនៅពេលដែលឡានក្រុងមួយនេះបានបើកទៅបុកពំនុះទ្រូងផ្លូវហើយបានធ្វើឲ្យធុងសាំងឆាបឆេះតែម្តង។ហេតុការណ៍ស្រដៀងគ្នានេះធ្លាប់បានកើតឡើងម្តងដែរកាលពីចុងខែមុនដែលបានសម្លាប់មនុស្ស 42 នាក់។អ្នកដំណើរភាគច្រើនកំពុងតែលង់លក់នឹងមិនបានដឹងពីហេតុការណ៍នោះទេរហូតទាល់តែដល់ពេលលឺសម្លេងវាយបំបែកកញ្ចក់បង្អូចនៃអ្នកដំណើរផ្សេងទៀត។
គួររំលឹកថានៅឆ្នាំ 2008 មនុស្ស 60 នាក់ក៏បានស្លាប់ដោយសារការអគ្គិសភ័យឆាបឆេះឡានក្រុងមួយដែរនៅរដ្ឋ Uttar Pradesh ៕
ទស្សនាវីដេអូឃ្លិបដូចខាងក្រោមនេះ៖
ប្រភព៖ BBC
មតិយោបល់