ចិន៖ ក្នុងនាមជាភ្ញៀវកិត្តិយសនៃពិព័រណ៌ China-Arab States Expo គុយវែតបានបើកវេទិកាប្រជុំចិន-គុយវែតដោយបានរំពឹងថានៅក្នុងកិច្ចប្រជុំភាគីទាំងពីរនឹងទទួលបានលទ្ធផលល្អទៅលើការវិនិយោគ។
នៅក្នុងនោះ សហគ្រាសធំៗដែលមកពីបណ្ដាលប្រទេសទាំងពីរបានលើកឡើងពីកិច្ចសហប្រតិបត្តិការទៅលើការវិនិយោគ ដោយវាជាកូនសោរសំខាន់ដើម្បីបម្រើឲ្យវិស័យសេដ្ឋកិច្ច។
នៅក្នុងឆ្នាំ ២០១២ ពាណិជ្ជកម្មរវាងប្រទេសចិន និងគុយវែតបានឈានទៅដល់ទឹកប្រាក់ចំនួន ១២,៥៥ពាន់លានយន់ ដោយបានកើនឡើង ១១ភាគរយ បើធៀបនឹងឆ្នាំ ២០១១។ ប្រទេសគុយវែតបានវិនិយោគ ៨៨៧លានដុល្លារអាមេរិក នៅក្នុងប្រទេសចិន ទៅលើគម្រោងចំនួន ៣៥។
ប្រទេសគុយវែតបានក្លាយជាប្រទេសដៃគូពាណិជ្ជកម្មធំរបស់ចិននៅក្នុងចំណោមដៃគូធំៗទាំង ៥ បន្ទាប់ពីអារ៉ាប់។គុយវែតក៏បានសង្កត់ធ្ងន់ទៅលើការលើកកម្ពស់នៃការទំនាក់ទំនងជាមួយប្រទេសចិនក្នុងនយោបាយពាណិជ្ជកម្ម និងវប្បធម៌។
នៅក្នុងវេទិកាពិភាក្សាពាណិជ្ជកម្មរវាងប្រទេសចិន និងគុយវែតនេះ មានតំណាងមកពីសគ្រាសធំៗចំនួន ២០០រូប ដោយពួកគេបានលើកឡើងអំពីសក្ដានុពលទៅលើវិស័យសេដ្ឋកិច្ច និងកិច្ចសហប្រតិបត្តិការ៕
មតិយោបល់