ក្រុមហ៊ុនទូរគមនាគមន៍ចិន China Telecom បានឲ្យដឹងកាលពីចុងសប្ដាហ៍មុនថា ខ្លួននឹងផ្ដល់សេវាកម្ម Unlimited Data Sevices សម្រាប់អ្នកដែលធ្វើដំណើរទៅក្រៅប្រទេស ដែលនេះជាលើកទីមួយហើយសម្រាប់ក្រុមហ៊ុនទូរគមនាគមន៍ចិន។
សម្រាប់អ្នកដែលចង់ប្រើប្រាស់នូវសេវាកម្មអាចធ្វើការចុះឈ្មោះប្រើប្រាស់ដោយវាមានតម្លៃចាប់ពី ៤៨យន់ ប្រហែល ៧,៨០ដុល្លារអាមេរិក ក្នុងមួយថ្ងៃ។ នៅមុននេះ តម្លៃនៃការប្រើសេវា Roaming គឺជាក្ដីបារម្ភមួយសម្រាប់អ្នកដែលឧស្សាហ៍ចេញទៅក្រៅប្រទេសក្នុងកិច្ចការជំនួញផ្ទាល់ខ្លួន ឬដំណើរកម្សាន្ត ព្រោះថាមានតម្លៃថ្លៃ ដែលអាចចំណាយអស់ប្រាក់ជាច្រើន។
អ៊ូ យ៉ាន អនុប្រធានគ្រប់គ្រង់ផ្នែកពាណិជ្ជកម្មអន្តរជាតិរបស់ក្រុមហ៊ុន China Telecom បាននិយាយថា “វាអាចជួយយើងឲ្យប្រសើរឡើងនូវការយល់ដឹងពីស្លាកសញ្ញាពិភពលោក និងបង្កើនប្រាក់ចំណូលពីក្រៅប្រទេស”។
កញ្ចប់សេវាកម្ម Roaming មានចាប់ពី ៤៨យន់ ដល់ ៨៨យន់ សម្រាប់ក្នុងប្រទេសអាស៊ី និង ១២៩យន់ សម្រាប់អឺរ៉ុប និងនៅប្រទេសអាហ្វ្រិក ព្រមទាំងបណ្ដាប្រទេស ៧៤ផ្សេងទៀត ដែលតម្លៃនេះប្រើក្នុងមួយថ្ងៃ។
កាលពីឆ្នាំ ២០១២ មានប្រជាជនចិនជាង ៨០លាននាក់ បានធ្វើដំណើរចុះឡើងទៅកាន់បរទេស ហើយពួកគេម្នាក់ៗមានចំណាយលុយរាប់រយដុល្លារអាមេរិកក្នុងការប្រើប្រាស់ទិន្នន័យផ្សេង ដែលរួមមានសេវាកម្ម Roaming៕
មតិយោបល់