នៅទីនេះគ្មានអ្វីភ្ញាក់ផ្អើលជាងឈ្មោះ កីឡាករទាំងបីនាក់នេះ ទេ នោះគឺមានកីឡាករ Messi, Ronaldo និង Ribery ដែលបានស្ថិតនៅក្នុងបញ្ជីសម្រាំង របស់ FIFA Golden Ball 2013 ។
មុនពេលដែលខាង FIFA បានធ្វើសេចក្តីប្រកាស ចុងក្រោយនូវឈ្មោះកីឡាករ ទាំងបី ដែលត្រូវឡើងទៅកាត់សេចក្តី ដោយការបោះឆ្នោត និងទទួលពានរង្វាន់ប្រចាំឆ្នាំ FIFA Golden Ball ដែលមាន Messi, Ronaldo និង Ribery ដោយក្នុងចំណោម ៣ នាក់ត្រូវលើកពានរង្វាន់ ១ ដែលជាពានដ៏មានកិត្យានុភាព។
កាលពីរដូវកាលកន្លងទៅ កីឡាករ Messi បានជួយ ឲ្យក្លិប Bacelona យកជ័យជម្នះលើ គូប្រកែង Real Madrid ដោយឈ្នះពានរង្វាន់ La Liga ដោយក្នុងនោះ កីឡាករ Messi រកគ្រាប់បាល់បាន ៤៦ គ្រាប់ ។
ទន្ទឹមជាមួយនឹងគ្នានេះដែរ កីឡាករសញ្ជាតបារាំង Ribery ក៏មិនណយដែរ ដោយជួយឲ្យ Bayern Munich ឈ្នះពានរង្វាន់ ៣ ជាប្រវត្តិសាស្ត្រ ហើយចំណុចដែលធ្វើឲ្យ Ribery ល្អជាង Messi និង Ronaldo គឺដោយសារតែឈ្នះពានរង្វាន់ ជាអ្នកលេងល្អ ប្រចាំទ្វីបអឺរ៉ុប។
ដោយឡែកកីឡាករ Ronaldo គឺតែងតែធ្វើឲ្យអ្នកគាំទ្រភ្ញាក់ផ្អើលជាមួយនឹងគ្រាប់បាល់របស់ខ្លួន ដោយវត្តមាន នៅ FIFA Golden Ball កីឡាកររូបនេះមានឈ្មោះ ៦ លើក តែអាចលើកពាននេះបានម្តងគត់ នៅឆ្នាំ ២០០៨ ។
តើក្នុងចំណោមកីឡាករ ៣ ដួងនេះ នរណាម្នាក់ជាអ្នកលើកពាននៅឆ្នាំនេះ ហើយលទ្ធផលដែលធ្វើឲ្យអ្នកគាំទ្រភ្ញាក់ផ្អើលនឹងធ្វើឡើងនៅ ថ្ងៃទី ១៣ ខែ មករា ឆ្នាំ ២០១៤ នៅ Zurich Switzerland ៕
មតិយោបល់