យោងតាមគេហទំព័រ yourjewishnews បានឲ្យដឹងថាស្ត្រីម្នាក់ត្រូវបានប្តីរបស់ខ្លួនយកស្លាបព្រាក្តៅមកធ្វើទណ្ឌកម្មយ៉ាងព្រៃផ្សៃលើខ្លួនដោយសារតែភាពច្រច័ណ្ឌ។ អ្នកស្រី Auditor Ndlovu វ័យ ២៥ ឆ្នាំរស់នៅក្នុងទីក្រុង Bulawayo នៃប្រទេសអាហ្វ្រិខាងត្បួងទទួលរងនូវរបួសយ៉ាងធ្ងន់ធ្ងរនៅផ្នែកប្រដាប់ភេទរបស់នាង បន្ទាប់ពីបុរសដែលជាស្វាមីយកស្លាបព្រាដែកដុតឲ្យក្តៅ និងរុញចូលទៅក្នុងប្រដាប់ភេទរបស់នាងទុកជាការដាក់ទណ្ឌកម្មសម្រាប់ការធ្វើឫកម្ញិកម្ញ៉ក់ជាមួយបុរសដទៃទៀត។ បុរសដែលជាស្វាមីនោះត្រូវបានគេស្គាល់ថាមានឈ្មោះ Njabulo Ncube វ័យ ៣៣ ឆ្នាំ បន្ទាប់មកធ្វើទារុណកម្មផ្លូវភេទរបស់នាងគាត់បាននិយាយថា ខ្ញុំនឹងបញ្ចប់នូវទម្លាប់នៃការធ្វើឫកម្ញិកម្ញ៉ក់របស់នាងជាមួយនឹងប្រុសផ្សេង។ ក្រោយពីហេតុការណ៍ដ៏ឃោរឃៅនេះកើតឡើងអ្នកជិតខាងបានឮការហៅឲ្យជួយរបស់ Ndlovu ខណៈដែលនាងមានឈាមហូរច្រើន ហើយដើរទៅណាមិនរួច។ លោក Ncube បដិសេធការចោទប្រកាន់នេះដោយអះអាងថាជាការយល់ច្រឡំ ហើយគាត់បានបន្ថែមទៀតថាប្រពន្ធរបស់គាត់បានយល់ព្រមរួមភេទជាមួយគាត់ បន្ទាប់ពីប្រពន្ធរបស់គាត់ចាប់ផ្តើមមានចិត្តមិនស្មោះត្រង់៕
ព័ត៌មានជាតិ
មតិយោបល់