តុលាការនៃប្រទេសឥណ្ឌាបានសម្រេចទទួលយកបណ្ដឹងឧទ្ធរណ៍របស់ក្រុមហ៊ុន Nokia ពាក់ព័ន្ធនឹងជម្លោះរឹបអូសរោងចក្ររបស់ Nokia ដោយអាជ្ញាធរក្នុងតំបន់ ដោយសារតែរឿងបង់ពន្ធ ដែលបានបង្អាក់ការទិញ-លក់របស់ Microsoft និង Nokia។
Chennai ជារោងចក្រផលិតទូរស័ព្ទចល័តធំមួយរបស់ Nokia ដែលមានទីតាំងនៅក្នុងប្រទេសឥណ្ឌា ហើយក៏ជាផ្នែកមួយការទិញលក់ផងដែរ ដូច្នេះហើយទើប Nokia ប្រឹងប្រែដើម្បីយករោងចក្រនេះមកវិញ បើមិនដូច្នោះទេ វានឹងប៉ះពាល់ដល់ការទិញលក់។
តុលាការបានបង្គាប់ឲ្យក្រុមហ៊ុនហ្វាំងឡង់ Nokia ដាក់លក់ចំនួន ៣៦៧,១៧លានដុល្លារអាមេរិកចូលទៅក្នុងគណនី ដើម្បីទុកដោះស្រាយទំនាស់ ព្រោះ Nokia បានជំពាក់ព័ន្ធចំនួន ៣៤០,៤៥លានដុល្លារអាមេរិក ក្នុងរយៈពេល ៥ឆ្នាំដោយគិតចាប់ពីឆ្នាំ ២០០៦។ នេះបើយោងតាមការចុះផ្សាយដោយគេហទំព័ររបស់តុលាការ Delhi៕
មតិយោបល់