ទីក្រុងព្យុងយ៉ាង (13/12/13) ៖បើយោងតាមសេចក្តីរាយការណ៍របស់ទីភ្នាក់ងារ KCNA បានឲ្យដឹងថាលោក Jang Song-Thaek ដែលធ្លាប់ធ្វើជាមន្ត្រីជាន់ខ្ពស់នៃសាធារណរដ្ឋប្រជាមានិតកូរ៉េត្រូវបានកាត់ទោសប្រហារជីវិតក្រោយការរកឃើញដោយតុលាការយោធារបស់ប្រទេសថាលោកបានជាប់ទោសពីបទក្បត់ជាតិ។
លោក Jang អនុប្រធានគណៈកម្មាការការពារជាតិនិងជាលេខាធិការនៃការិយាល័យរដ្ឋបាលរបស់បក្សការងាររបស់កូរ៉េខាងជើងត្រូវបានសម្រេចដាក់ទោសកាលពីថ្ងៃព្រហស្បតិ៍ភា្លមៗក្រោយការរកឃើញពីតុលាការពិសេសផ្នែកយោធាពីបទលើទោសឧក្រិដ្ឋដែលមិនអាចលើកលែងបានសូម្បីតែជាប់គុកមួយជីវិត។
លោកJangអាយុ67ឆ្នាំបានរៀបការជាមួយម្តាយមីងរបស់មេដឹកនាំកូរ៉េខាងជើង Kim Jong Un បានសារភាពថាខ្លួនពិតជាមានគម្រោងការទុកជាមុនលើការធ្វើរដ្ឋប្រហារផ្តួលរលំអំណាចរបស់មេដឹកនាំសព្វថ្ងៃពិតប្រាកដមែន។សេចក្តីសម្រេចរបស់តុលាការបានបញ្ជាក់ថាដោយយោងទៅតាមរដ្ឋធម្មនុញ្ញដែលមានចែងប្រកាសថាជនក្បត់ជាតិត្រូវបានដាក់ទោសប្រហារជីវិតហើយវានឹងត្រូវធ្វើភ្លាមក្រោយសេចក្តីប្រកាសទោសនោះ៕
មតិយោបល់