វ៉ាស៊ិនតោន ៖យោងតាមទីភ្នាក់ងារសារព័ត៌មានស៊ិនហួរចុះផ្សាយថ្ងៃទី ១៦ ខែ ធ្នូ ឆ្នាំ ២០១៣ ម្សិលមិញនេះតុលាការសហព័ន្ធរបស់អាមេរិកកាលពីថ្ងៃច័ន្ទបានប្រកាសបញ្ជាក់ថាការធ្វើការប្រមូលទិន្នន័យទូរស័ព្ទរបស់ទីភ្នាក់ងារសន្តិសុខជាតិរបស់អាមេរិកហាក់ដូចជាមិនមែនជាអ្វីដែលមានចែងនៅក្នុងសេចក្តីប្រកាសរដ្ឋធម្មនុញ្ញនោះទេ។
នេះជាលើកទីមួយហើយដែលប្រតិកម្មឆ្លើយតបរបស់អាមេរិកទៅលើកម្មវិធីឃ្លាំមើលរបស់ទីភ្នាក់ងារសន្តិសុខជាតិរបស់ខ្លួនចាប់តាំងតែពីការខែមិថុនាដែលលោក Edward Snowden ធ្លាប់បានប្រកាសជាសាធារណៈនូវកម្មវិធីឃ្លាំមើលរបស់អាមេរិកមួយនេះ។មេធាវីក្តីតំណាងរបស់រដ្ឋាភិបាលអាមេរិកធ្លាប់បានលើកឡើងពីរឿងក្តីដ៏ធំមួយកាលពី 30 ឆ្នាំមុនថាក្រុមប៉ូលិសបានប្រើប្រាស់ការយកការណ៍តាមទូរស័ព្ទដើម្បីឈានទៅដល់ការចាប់ខ្លួនឧក្រិដ្ឋជន។
ឆ្លើយតបទៅនឹងការលើកឡើងនេះលោក Richard Leon ចៅក្រមតុលាការនៃទីក្រុងវ៉ាស៊ិនតោនបានបញ្ជាក់ថាមានការខុសគ្នាពីបញ្ហានេះដោយសារតែមនុស្សមានការពាក់ព័ន្ធកាន់តែច្រើនជាមួយនឹងទូរស័ព្ទដៃនៅក្នុងសម័យនេះ។
គួរបញ្ជាក់ផងដែរថាកាលពីពេលថ្មីៗនេះក្រោយការបញ្ជាក់កាន់តែច្បាស់ពីកម្មវិធីឃ្លាំមើលរបស់អាមេរិកទៅលើអ្នកប្រើប្រាស់ទូរស័ព្ទដៃនៅជុំវិញពិភពលោកនោះមានក្រុមហ៊ុនអ៊ិនធឺណេតធំដូចជា Google, Yahoo, … បានស្នើរឲ្យរដ្ឋាភិបាលគួរតែបញ្ឈប់នូវកម្មវិធីបែបនេះដែលជឿជាក់ថានឹងអាចប៉ះពាល់ដល់អតិថិជនរបស់ខ្លួន៕
មតិយោបល់