ទីក្រុងមូស្គូ ៖ទីភ្នាក់ងារសារព័ត៌មានស៊ិនហួចុះផ្សាយថ្ងៃទី ១៨ ខែ ធ្នូឆ្នាំ ២០១៣ម្សិលមិញបានឲ្យដឹងថាកាលពីថ្ងៃពុធម្សិលមិញនេះសភានៃរដ្ឋ Duma របស់ប្រទេសរូស្ស៊ីបានសម្រេចដោះលែងអ្នកទោសដល់ទៅ 25,000 នាក់ដើម្បីចូលរួមអបអរសាទរខួបលើកទី 20 នៃការបង្កើតរដ្ឋធម្មនុញ្ញជាតិរបស់ប្រទេសខ្លួន។
ការដោះលែងត្រូវបានធ្វើឡើងក្រោយមានការអនុញ្ញាតិដោយអ្នកតំណាងរបស់រដ្ឋ Duma ប្រមាណ 446 នាក់និងក្រោយការដាក់សំណើរពីលោកប្រធានាធិបតីពូទីនរួមជាមួយនឹងការកែប្រែមួយចំនួនទៀត។រដ្ឋធម្មនុញ្ញបានប្រកាសបើកចំហរឲ្យរដ្ឋ Duma អាចមានសិទ្ធិសម្រេចលើកលែងទោសដោយខ្លួនឯង។
បើទោះបីជាយ៉ាងណាក្តីនៅក្នុងលក្ខណ្ឌដែលបានចែងផងដែរថាការលើកលែងទោសអាចប្រព្រឹត្តទៅបានលុះត្រាណាតែអ្នកទោសនោះស្ថិតក្រោមអាយុ 18 ឆ្នាំជាអនិតិជនជាមនុស្សស្រីមានផ្ទៃពោះជានិវត្តជនឬជនពិការដោយសារសង្គ្រាមនិងជាពិសេសដល់បុគ្គលណាធ្លាប់បម្រើដល់សេវាយោធាពីមុនហើយជនទាំងនោះត្រូវនៅសល់ទោសក្រោម 5 ឆ្នាំ។
ការលើកលែងទោសនឹងត្រូវអនុវត្តចាប់ពីថ្ងៃពុធហើយរយៈពេលកន្លះឆ្នាំដែលតម្រូវឲ្យមានការដោះលែងអ្នកទោសឲ្យអស់៕
មតិយោបល់