ការប្រយុទ្ធគ្នារវាងទាហានស៊ូដង់ខាងត្បូងដូចគ្នាបានអូសបន្លាយនិងរីករាលដាលដល់ទីក្រុង Bor ហើយការកើនឡើងនៃអ្នកស្លាប់និងភាពភ័យខ្លាចកាន់តែខ្លាំងនៅពេលដែលសង្គ្រាមស៊ីវិលនេះកំពុងតែលុកលុយប្រទេសដែលទើបតែនឹងកើតបាន 2 ឆ្នាំមួយនេះ។
មន្ត្រីរបស់ទីក្រុង Bor បានបញ្ជាក់ថាការវាយប្រហារគ្នារវាងទាហាននិងទាហានដែលមានទីតាំងនៅក្បែរគ្នាហើយតាមប្រភពផ្សេងទៀតបានឲ្យដឹងថាជម្លោះនេះកើតឡើងកាន់តែអាក្រក់ឡើងហើយរវាងជាតិសាសខ្លួនឯងផងបើទោះបីជាមានការបដិសេធពីរដ្ឋាភិបាលយ៉ាងណាក្តី។មនុស្សដែលបានស្លាប់នៅក្នុងប៉ះទង្គិចគ្នាបានកើនឡើងដល់ 500 នាក់ហើយ 800 នាក់ទៀតរងរបួស។
សហរដ្ឋអាមេរិកនិងប្រទេសអ៊ឺរ៉ុបមួយចំនួនបានប្រកាសភៀសខ្លួនក្រុមអ្នកធ្វើការតំណាងនៅក្នុងប្រទេសនេះដើម្បីគេចខ្លួនហើយប្រកាសមិនឲ្យមានការធ្វើដំណើរនៃជនជាតិខ្លួនទៅក្នុងប្រទេសស៊ូដង់ខាងត្បូងឡើយ។
លោកប្រធានាធិបតីស៊ូដង់ខាងត្បូង Salva Kiir បាននិយាយថាការប៉ះទង្គិចគ្នារវាងក្រុមទាហានគ្នាឯងនេះគឺដោយសារតែមានការប៉ុនប៉ងធ្វើរដ្ឋប្រហារពីសំណាក់លោកអនុប្រធានាធិបតី Machar តែលោកអនុប្រធានាធិបតីរូបនេះបានបដិសេធថាមិនបានជាប់ពាក់ព័ន្ធឬពីគម្រោងធ្វើរដ្ឋប្រហារណាមួយឡើយ៕
មតិយោបល់