បុរសជាអ្នកបើកឡានម្នាក់ឈ្មោះ Gerardo Gamboa ដែលរស់នៅក្នុងទីក្រុង Las Vigas ជាទីក្រុងល្បែងដ៏ធំរបស់ពិភពលោកបានរកឃើញថង់លុយមួយដែលពេញទៅដោយក្រដាស 100 ដុល្លារសុទ្ធ។
តំបូងគាត់គិតថាប្រហែលជាអ្នកដំណើរគាត់ណាម្នាក់បានភ្លេចទុកថង់កាបូបដែលមានស្ករសូកូឡានៅក្នុងឡានរបស់គាត់ប៉ុន្តែនៅពេលដែលគាត់ចាប់ផ្តើមបើកកាបូបនោះមើលគាត់បានប្រទះឃើញក្នុងនោះសុទ្ធតែលុយសុទ្ធដល់ទៅ 300,000 ដុល្លារអាមេរិក។
Gamboa បានប្រគល់កាបូបលុយនេះទៅកាន់ក្រុមប៉ូលិសនៅក្នុងក្រុងនិងធ្វើការជាមួយកាស៊ីណូនានាដើម្បីស្វែងរកម្ចាស់វិញដែលក្រោយមកលោកបានទទួលរង្វាន់លើកទឹកចិត្ត 1,000 ដុល្លារអាមេរិកនិងប័ណ្ណញាំអាហារមួយសន្លឹកនៅភោជនីយដ្ឋានសម្រាប់មនុស្សពីរនាក់ប៉ុណ្ណោះពីក្រុមហ៊ុនតាក់ស៊ីរបស់គាត់។
បើទោះបីជាត្រូវចំណាយពេលជាច្រើនម៉ោងក៏ពិតមែនដើម្បីធ្វើការជាមួយប៉ូលិសដើម្បីស្វែងរកម្ចាស់លុយវិញតែលោកបាននិយាយថាលោកពិតជាមិនចង់បានអ្វីតបស្នងនោះទេហើយលោកគ្រាន់តែចង់ធ្វើរឿងដែលត្រឹមត្រូវប៉ុណ្ណោះហើយថែមទាំងអរគុណដល់ក្រុមហ៊ុនតាក់ស៊ីរបស់លោកដែលបានប្រគល់រង្វាន់ជាបុគ្គលិកស្មោះត្រង់ប្រចាំឆ្នាំរួមជាមួយនឹងទឹកប្រាក់លើកទឹកចិត្ត 1,000 ដុល្លារនោះផង៕
មតិយោបល់