ទីក្រុងបាងកក៖រដ្ឋាភិបាលថែបាននិយាយប្រកាសកាលពីថ្ងៃព្រហស្បតិ៍ម្សិលមិញថាមិនមានច្បាប់ណាដែលអាចចេញមកពន្យាពេលវេលានៃការបោះឆ្នោតសាជាថ្មីដែលនឹងត្រូវធ្វើនាខែកុម្ភនោះឡើយបើទោះបីជាក្រុមប្រឆាំងនៅតែប្រកាន់គោលជំហរធ្វើពហិកាមិនចូលរួមបោះឆ្នោតលើកនេះក៏ដោយ។
លោកឧបនាយករដ្ឋមន្ត្រី Pongthep Thepkanchana បាននិយាយនៅក្នុងកម្មវិធីទូរទស្សន៍មួយថាវាមិនអាចទៅរួចទេក្នុងការពន្យាពេលនៃការបោះឆ្នោតជាតិនាពេលខាងមុខនេះហើយវាជាការឆ្លើយតបទៅការស្នើរសុំរបស់គណៈកម្មាការជាតិរៀបចំការបោះឆ្នោតដែលធ្លាប់បានប្រកាសសុំពន្យាពេលនោះហើយលោកបានបន្ថែមទៀតថាអ្វីៗនឹងដំណើរការទៅដូចការគ្រោងទុក។
គណបក្សភឿថៃនិងលោករដ្ឋមន្ត្រីក្រសួងការពារជាតិធ្លាប់បាននិយាយថានេះជាវិធីដោះស្រាយដ៏ល្អបំផុតតែមួយគត់ក្នុងការដោះស្រាយវិបត្តិនយោបាយនៅក្នុងប្រទេសដោយការរំលាយសភានិងរដ្ឋាភិបាលដើម្បីធ្វើការបោះឆ្នោតសាជាថ្មីតែការពន្យាពេលនៃការបោះឆ្នោតគឺមិនអាចកើតឡើងនោះឡើយ៕
មតិយោបល់