សុខភាព៖ បច្ចុប្បនេះគេសង្កេតឃើញថា មានយុវវ័យ និងចាស់ៗមួយចំនួនបានធ្វើលំហាត់ប្រាណជាប្រចាំថ្ងៃ ដើម្បីសុខភាព និងរក្សាសម្រស់ ដោយមានអ្នកខ្លះហាត់នៅពេលព្រឹក អ្នកខ្លះទៀតហាត់នៅពេលល្ងាច ពោលគឺនៅពេលដែលទំនេរ។ ប៉ុន្តែអ្នកទាំងនោះមិនបានយល់ច្បាស់ថា ហាត់នៅពេលណាល្អបំផុតនោះទេ?
អ្នកវិទ្យាសាស្ត្រនៃវិទ្យាស្ថានស្រាវជ្រាវទៅលើ វិទ្យាសាស្ត្រកីឡា និងការហាត់ប្រាណមួយនៅសហរដ្ឋអាមេរិកបាន បានឲ្យដឹងថា ពេលវេលា ដែលសមស្របបំផុត ក្នុងការហាត់ប្រាណ សម្រាប់មនុស្សភាគច្រើន (ជាង៩០%) គឺចន្លោះពេលរវាងម៉ោង ៤រសៀល រហូតដល់ម៉ោង ៧យប់ ព្រោះ សីតុណ្ហភាព នៃរាងកាយ នឹងកើនឡើងខ្ពស់បំផុត សាច់ដុំមានការរីកមាឌ និងមានភាពយឺតល្អ ជាពេលដែលរាងកាយ មានកម្លាំងកំហែងបំផុត ចង្វាក់លោតនៃបេះដូង និងសម្ពាធឈាមទាប។ ដូច្នេះ មិនចាំបាច់ត្រូវប្រឹងប្រែងច្រើនពេក ក្នុងការហាត់ប្រាណ ធ្វើឲ្យមានចិត្តចង់ហាត់ប្រាណជាងមុន ឬបើមានរបួស ក៏ស្រាលជាងមុនដែរ។
ចំពោះស្ត្រី ពេលវេលាសម្រាប់ការហាត់ប្រាណ សមស្របបំផុត ក្នុងខែនីមួយៗ គឺអំឡុងពេល ៧-១៤ថ្ងៃ បន្ទាប់ពីអូវុលទុំជ្រុះ ព្រោះកម្រិតអ័រម៉ូនប្រូចេស្តេរ៉ូន នឹងកើនឡើងខ្ពស់ ធ្វើឲ្យមានឥទ្ធិពល ចំពោះវិធីដែលរាងកាយប្រើប្រាស់ជាតិខ្លាញ់ និងការបូអ៊ីដ្រាត។ ក្រៅពីនេះ បើមានអាការឈឺពោះ ក្នុងពេលមករដូវ ជាប្រចាំការហាត់ប្រាណជាប់លាប់ ទោះបីជាក្នុងពេលមករដូវក្តី នឹងអាចជួយបន្ថយអាការឈឺពោះនោះបានទៀតផង៕
មតិយោបល់