គូស្នេហ៍មួយគូរត្រូវបានចាប់ខ្លួន និងចោទប្រកាន់ពីបទប្រើអំពើហឹង្សា បន្ទាប់ពីពួកគេសង្ស័យថាអ្នកបំរើរបស់ខ្លួនលួចទូរស័ព្ទ iPhone នេះបើយោងតាមប្រភពព័ត៌មាន yourjewishnews ។ ក្រុមប៉ូលិសនៅក្នុងតំបន់ Sharon Region សហរដ្ឋអាមេរិកបាននិយាយថា គូស្នេហ៍នោះមានវ័យប្រហែលជា ៣០ ឆ្នាំបន្ទាប់ពីពួកគេចោទប្រកាន់ថាវាយដំ និងឃុំខ្លួនអ្នកបំរើខុសច្បាប់។ តាមការស៊ីបអង្កេតបង្ហាញថា កូនស្រីរបស់ម្ចាស់ផ្ទះ និងដៃគូររបស់នាងបានសង្ស័យថាអ្នកបំរើបានចូលមកផ្ទះរបស់ពួកគេដើម្បីសម្អាតជារៀងរាល់សប្តាហ៍ និងលួចរបស់មួយចំនួន។ ជនសង្ស័យត្រូវម្ចាស់ផ្ទះចាក់សោនៅក្នុងបន្ទប់ព្រមទាំងវាយធ្វើបាបរហូតដល់នាងព្រមទទួលស្គាល់ការលួចប្រាក់ជាច្រើន ប៉ុន្តែនាងបានបដិសេធការលួចទូរស័ព្ទដៃ iPhone ។
អ្នកបំរើនោះក៏ត្រូវបានចាប់ខ្លួនផងដែរ នឹងត្រូវបានចោទប្រកាន់ពីបទចោរកម្មបន្ទាប់ពីខ្លួនទទួលស្គាល់ថាលួចសាច់ប្រាក់ពីក្នុងផ្ទះដែលខ្លួនបានចូលទៅសម្អាត។ ចំណែកឯកូនស្រីម្ចាស់ផ្ទះ និងដៃគូរបស់នាងបានបដិសេធចំពោះការចោទប្រកាន់ថាពួកគេបានធ្វើទារុណ្ឌកម្មទៅលើអ្នកបំរើ៕
ព័ត៌មានជាតិ
មតិយោបល់