ឥណ្ឌា៖ក្មេងស្រីម្នាក់បានទទួលរងនូវការរលាកយ៉ាងធ្ងន់ធ្ងរ បន្ទាប់ក្មេងជំទង់បានយកទឹកក្តៅទៅជះលើនាងដល់ក្នុងផ្ទះដោយសារតែខឹងនឹងការ Unfriend ចេញពីបណ្តោញសង្គម។
បើយោងតាមប្រភពព័ត៌មាន បរទេសនានា បានឲ្យដឹងថា ក្មេងស្រីរូបនោះបាន Unfriend គាត់ពីក្នុងបណ្តោញសង្គម Facebook ដោយសារតែគាត់បានបង្ហោះ Comment ចម្លែកៗនៅលើ wall របស់នាង។ ក្រោយមកក្មេងប្រុសវ័យជំទងនោះតូចចិត្តបានធ្វើការសងសឹក ដោយចូលទៅដល់ផ្ទះរបស់នាងនៅក្នុងទីក្រុង Muzaffarpur ភាគខាងជើងរដ្ឋ Bihar ប្រទេសឥណ្ឌា ហើយបានយកទឹកក្តៅស្រោចពីខ្លួនរបស់នាងតែម្តង។ ខណៈដែលនាងរលាកស្ទើរពាសពេញខ្លួន ក្មេងប្រុសរូបនោះបានរត់គេចខ្លួនពីកន្លែងកើតហេតុបាត់តែម្តង។ ឥឡូវនេះជនរងគ្រោះកំពុងតែសម្រាកនៅមន្ទីពេទ្យ ហើយប៉ូលិសកំពុងតែធ្វើការស៊ីបអង្កេតដើម្បីចាប់ជនល្មើសមកធ្វើការកាត់ទោសតាមផ្លូវច្បាប់៕
មតិយោបល់