ទីក្រុងវ៉ាស៊ិនតោន ៖សហរដ្ឋអាមេរិកបាននិយាយកាលពីថ្ងៃសុក្រនេះថាប៉ូលិសប្រចាំរដ្ឋ San Francisco បានចាប់ផ្តើមឡើងវិញនូវការរឹតបន្តឹងសន្តិសុខនៅឯស្ថានកុងស៊ុលចិនប្រចាំនៅក្នុងរដ្ឋនេះនៅពីក្រោយការវាយប្រហារដោយអគ្គិសភ័យកាលពីថ្ងៃពុធមួយហើយបានធ្វើឲ្យមានការខូចខាតមួយចំនួន។
បន្ថែមទៀតថាដោយស្ថិតនៅក្នុងកំឡុងពេលនៃការស៊ើបអង្កេតនៅឡើយប៉ូលិសនឹងនៅប្រចាំការសន្តិសុខ 24 ម៉ោងនៅស្ថានកុងស៊ុលចិនហើយអ្នកតំណាងមួយរូបរបស់អាមេរិកបានបដិសេធក្នុងការផ្តល់ព័ត៌មានបន្ថែមដោយគ្រាន់តែនិយាយថាពួកយើងកំពុងតែពិចារណាថាតើចំនួនដើម្បីការពារសន្តិសុខគ្រប់គ្រាន់ឬយ៉ាងណា។
គួរបញ្ជាក់ថាការប្រកាសរបស់សហរដ្ឋអាមេរិកក្នុងការរឹតបន្តឹងសន្តិសុខនៅកុងស៊ុលចិននេះគឺនៅក្រោយតែមួយថ្ងៃនៃការជម្រុញឲ្យអាមេរិកធ្វើការវាស់វែងនិងស្វែងរកការពិតនៃមូលហេតុដែលបង្កឲ្យមានអសន្តិសុខកើតឡើងចំពោះកុងស៊ុលចិនមួយនេះពីសំណាក់ប្រទេសចិន៕
មតិយោបល់