បាងកក៖ ចលនាប្រឆាំងតវ៉ារដ្ឋាភិបាលថៃ បានធ្វើឲ្យភ្ញៀវទេសចរមួយចំនួនមានការព្រួយបារម្ភ ក្នុងការធ្វើដំណើរទៅកាន់អាកាសយានដ្ឋាន ឬប្រលានយន្តហោះដែលនៅជិត ព្រោះពួកគេបានឮថា ក្រុមបាតុករនឹងកាន់កាប់ប្រលានយន្តហោះ។
ប៉ុន្តែក្រោយមក តំណាងក្រុមប្រឆាំងរដ្ឋាភិបាលបានសរសេរនៅលើ Facebook Page ថា ពួកគេគ្មានគម្រោងបិទប្រលានយន្តហោះនោះទេ ពោលគឺរាល់សេវាកម្មដឹកជញ្ជូនគឺដំណើរការដូចធម្មតា ដូចជារថយន្តក្រុងសាធារណៈ រថភ្លើង រថភ្លើងក្រោមដី ជាដើម មិនធ្វើឲ្យប៉ះពាល់ដល់សេដ្ឋកិច្ចឡើយ។
កាលពីប៉ុន្មានថ្ងៃមុននេះ មេដឹកនាំបាតុករប្រឆាំងអ្នកស្រី យីងឡាក់ ស៊ីណាវ៉ាត្រា បាននិយាយថា ពួកគេនឹងបិទក្រុងបាកកនៅថ្ងៃទី១៣ខែមករា ឆ្នាំ ២០១៤។
គួរបញ្ជាក់ផងដែរថា ក្រុមបាតុករប្រឆាំងរដ្ឋាភិបាលនេះ គឺទាមទារឲ្យអ្នកស្រី យីងឡាក់ ចុះចេញពីតំណែង និងចង់កាត់ផ្ដាច់ឥទ្ធិពលអំណាចនយោបាយរបស់ក្រុមគ្រួសារមហាសេដ្ឋី ស៊ីណាវ៉ាត្រា តែម្ដង ដោយមានលោក ថាក់ស៊ីន ជាបងប្រុស៕
មតិយោបល់