យោងតាមទីភ្នាក់ងារព័ត៌មានចិន ស៊ិនហួ ចុះផ្សាយបានឲ្យដឹងថា មន្ត្រីមន្ទីរប៉ង់តាហ្គោនបានថ្លែងថា សហរដ្ឋអាមេរិក និងកូរ៉េខាងត្បូង បានប្តេជ្ញារក្សាជំហររឹងមាំ ក្នុងការប្រយុទ្ធប្រឆាំង ពីការឈ្លានពាន របស់កូរ៉េខាងជើង។
អ្នកនាំពាក្យមន្ទីរប៉ង់តាហ្គោន លោក ចន ឃឺបប៊ី បានថ្លែងនៅក្នុងសេចក្ដីថ្លែងការមួយថា “នៅក្នុងការស្វាគមន៍រដ្ឋមន្ត្រីការបរទេសកូរ៉េខាងត្បូង លោក យ៉ុន ប៊ីយ៉ុង សេ នៅមន្ទីរប៉ង់តាហ្គោន រដ្ឋមន្ត្រីការពារជាតិអាមេរិកលោក ឆាក់ ហាហ្គែល បានបញ្ជាក់ជាថ្មីទៀត អំពីតួនាទីដ៏សំខាន់ របស់សម្ព័ន្ធភាពពីរ ភាគីគឺអាមេរិក និងកូរ៉េខាងត្បូង ដែលបម្រើឲ្យសន្តិភាព និងស្ថិរភាពនៅតំបន់ អាស៊ីប៉ាស៊ីហ្វិក”។
លោក ហាហ្គែល ក៏បានសង្កត់ធ្ងន់អំពីសារៈសំខាន់ នៃសម្ព័ន្ធភាពរវាងអាមររិក និងកូរ៉េ ខាងត្បូង ខណៈអាមេរិកបានបញ្ជាក់ ពីជំហររឹងមាំរបស់ខ្លួន ដើម្បីការពារប្រទេស កូរ៉េខាងត្បូង ៕
មតិយោបល់