ភ្នំពេញ៖ កាលពីរសៀលថ្ងៃទី ១២ ខែ មករា ឆ្នាំ ២០១៤ វេលាម៉ោង ៤ រសៀល ក្លិបបាល់ទាត់ តំណាងក្រុមហ៊ុន DKSH បានជួបជើងជាមួយនឹងក្លិប Public Administration ឈ្នះក្នុងលទ្ធផល ៥-០ ក្នុងក្របខណ្ឌ ពាន់រង្វាន់ដំរីស ដែលធ្វើឡើងនៅលើទីលានបាល់ទាត់ សាលាដុនម៉ូស្កូ ។
ក្នុងជំនួបជើងទី ១ នៃការបើកឆាកប្រកួតពានរង្វាន់ដំរីស ក្លិបបាល់ទាត់ DKSH ធ្វើបានយ៉ាងល្អ ជាទីបំផុត ក្រោមការដឹកនាំរបស់លោក វណ្ណរិទ្ធ និងលីដា ដែលជាអ្នកចាត់ការទូទៅ និងជាអ្នកយុទ្ធសាស្ត្រទីលាន ថ្មីថ្មោង បានធ្វើឲ្យក្លិប DKSH រកគ្រាប់បាល់នាំមុខតំបូង នៅនាទី ១៥ ដោយខ្សែប្រយុទ្ធ ឈ្មោះ រិទ្ធី ពាក់ស្លាកលេខ ១៧ និង នាទី ២៥ រកគ្រាប់បាល់ដោយកីឡាករ រិទ្ធ ពាក់ស្លាកលេខ ៥៥ ដែលជាខ្សែបម្រើ។ ហៀបនឹងជិតចប់តង់ទី ១ ហើយកីឡាករ សីហា ពាក់ស្លាក់លេខ ៩ រកគ្រាប់បាល់បន្ថែមមួយគ្រាប់ទៀត ដែលធ្វើឲ្យ DSKH នាំមុខជ័យជម្នះបណ្តោះអាសន្ន ក្នុងលទ្ធផល ៣-០ ។ សម្រាប់ការប្រកួតតង់ទី ១ នេះ ក្លិប DKSH មានប្រៀបលើក្លិប Public Administration ដោយវាយប្រហារ និងគ្របដណ្តប់យ៉ាងខ្លាំង ។
បើកឆាកតង់ទី ២ មិនទាន់បានក្តៅសាច់ស្រួលបួលផង ក្លិប DSKH រកគ្រាប់បាល់បានមួយគ្រាប់ទៀត ដែលជាបាល់ អនហ្កោល នៅនាទី ៤៧ ។ បើទោះបីជា DKSH បាននាំមុខយ៉ាងណាក្តី និងខ្លាំងក្លា តែសម្រាប់ Public Administration ក៏បានវាយឆ្មក់ម្តងៗផងដែរ ដោយមានឱកាសអាចស៊ុតប៉េណ័លទី នៅនាទី ៦០ ខណៈដែល ខ្សែការពារ DKSH ពាក់ស្លាក់លេខ ៤៤ ធ្វើឲ្យមានកំហុសនៅតំបន់គ្រោះថ្នាក់ និងស៊ុតដោយកីឡាករពាក់ស្លាក់លេខ ១៤ តែការស៊ុតនោះធ្វើមិនបានសម្រេច ដោយ ប៉ះចំបង្គោលទី អង្គទី ២ ធ្វើឲ្យផ្លាត់បាល់ចេញក្រៅ និងជាឱកាស ខ្សែការពារពាក់ស្លាកលេខ ៦ ឈ្មោះ រិទ្ធី ក្លៀរបាល់ចេញ។ ខណៈដែលនាទី ៥៥ កីឡាករ ស៊ុនលី ពាក់ស្លាកលេខ ១១ បានស៊ុតចំងាយ ២៥ ម៉ែត្រ ធ្វើឲ្យធ្លុះសំណាញរបស់ Public Administration ម្តងទៀត ដោយនាំមុខក្នុងលទ្ធផល ៥-០ ហើយជាលទ្ធផលជ័យជម្នៈផងដែរ។
ជាមួយនឹងលទ្ធផល ជ័យជម្នៈ របស់ DKSH លើក្លិប Public Administration បានធ្វើឲ្យ ក្លិបតំណាងក្រុមហ៊ុនមួយនេះ មាន ៣ ពិន្ទុ ក្នុងដៃ ដែលជាឱកាសឡើងទៅជួបក្លិប White Tiger ដែលជាក្លិបឈ្នះដូចគ្នានៅរសៀលថ្ងៃ អាទិត្យ សប្តាហ៍ក្រោយវេលាម៉ោង ២ រសៀល៕
ខាងក្រោមនេះជាកីឡាករ ១១ នាក់របស់ DKSH តំបូង៖
https://i1272.photobucket.com/albums/y389/domneng/Adriana%20Lima/DKSH1_zps83c45589.jpg
ហើយនេះដែរជា កីឡាករ DKSH ទាំង ២៥ រូប ៖
https://i1272.photobucket.com/albums/y389/domneng/Adriana%20Lima/DKSH3_zps619f8122.jpg
ខាងក្រោមនេះកីឡាករ ១១ នាក់តំបូងរបស់ Public Administration ៖
https://i1272.photobucket.com/albums/y389/domneng/Adriana%20Lima/DKSH2_zpsb5585528.jpg
មតិយោបល់