ករណីចោរលួច iPhone នៅក្នុងទីក្រុងញ៉ូវយ៉កនៅតែបន្តកើតមាន ចាប់តាំងពីឆ្នាំ ២០១០មក រហូតមកដល់ពេលនេះ មានអ្នកប្រើប្រាស់ជាច្រើនបានបាត់បង់ iPhone។
នៅក្នុងរបាយការណ៍របស់ប៉ូលិសបានឲ្យដឹងថា មាន iPhone, iPad និងស្មាតហ្វូនរបស់ក្រុមហ៊ុនផ្សេងជាច្រើនត្រូវបានចោរលួច ដោយមានករណីខ្លះជាករណីចោរប្លន់តែម្ដង។
មន្ត្រីអាជ្ញាធរបានបញ្ជាក់ថា មាន ១៣ភាគរយនៃចោរលួច iPhone ត្រូវបានចាប់ខ្លួន ចំណែកក្រៅពីនេះត្រូវបានបាត់ដានរកពុំឃើញ ព្រោះថាចោរបានលក់វាទៅឲ្យក្រុមទីផ្សារងងឹត និងលក់ចេញទៅក្រៅប្រទេស។
គិតត្រឹមចុងឆ្នាំ ២០១៣ មានឧបរណ៍របស់ iPhone ប្រមាណ ៨.៤៦៥គ្រឿងត្រូវបានចោរលួច ដោយនៅក្នុងនោះ មាន iPhone ចំនួន ៨.០០០គ្រឿង។
អាជ្ញាធរបានណែនាំឲ្យអ្នកប្រើ iPhone ប្រើប្រាស់នូវកម្មវិធី Find My iPhone ដើម្បីតានដាន និងស្វែងរក iPhone នៅពេលបាត់ ឬត្រូវចោរលួច៕
មតិយោបល់