លំដាប់កំពូលតារាអន្តរជាតិ ជនជាតិចិន លោក Jackie Chan ហៅឈិនឡុង នឹងធ្វើដំណើរទៅជួបអ្នកគាំទ្ររបស់ខ្លួន នៅកូរ៉េខាងត្បូង ហើយក៏បង្ហាញខ្លួននៅស្ថានីយ៍ទូរទស្សន៍ដ៏មានប្រជាប្រិយភាពនៅក្នុងប្រទេសនេះ ក្នុងឈុតកម្មវិធី Happy Together ។
តាមរបាយការណ៍ ព័ត៌មានរបស់ StarNews បានឲ្យដឹងថា ក្នុងការបង្ហាញខ្លួននៅកម្មវិធី Happy Together ក៏មានមិត្តជិតស្និទ្ធរបស់ តារាសម្តែងរូបនេះ មកពីកូរ៉េខាងត្បូងដូចគ្នាដូចជា Siwon សមាជិកក្រុម Super Junior តារាចម្រៀងស្រី Jessica របស់ Girls’ Generation និង Narsha របស់ Brown Eyed Girls ដែលនឹងចាប់ផ្តើមនៅថ្ងៃសៅរ៍នេះ។
Siwon និង Jackie Chan ជាមិត្តភក្តិដ៏ជិត ដោយស្គាល់តាំងតែពីកម្មវិធី ‘Running Man’ ហើយ Narsha ក៏ត្រូវបានគេដឹងផងដែរថា ជាមិត្តភក្តិរបស់ ឈិនឡុងដូចគ្នា ខណៈដែល Jessica ក៏មានទំនាក់ទំនងមិត្តភាពជាមួយនឹងតារារូបនេះផងដែរ៕
មតិយោបល់