ក្រសួងធនធានទឹក និងឧតុនិយម បានចេញសេចក្ដីប្រកាសថា សីតុណ្ហភាពនឹងធ្លាក់ចុះកម្រិតទាប ចាប់ពីថ្ងៃទី១៥ខែមករា ដល់ថ្ងៃទី២០ខែមករា ឆ្នាំ ២០១៤។
យោងតាមការព្យាករណ៍របស់ក្រសួង បានបញ្ជាក់ថានៅតាមបណ្ដារាជធានី-ខេត្តមួយចំនួនដូចជា ខេត្តព្រះវិហារ ឧត្តរមានជ័យ រតនាគីរី និងខេត្តមណ្ឌលគីរី សីតុណ្ហភាពនឹងធ្លាក់ចុះដល់កម្រិត ១២-១៤អង្សាសេ ចំណែកនៅខេត្តបាត់ដំបង ប៉ៃលិន បន្ទាយមានជ័យ សៀមរាប ក្រចេះ និងស្ទឹងត្រែង សីតុណ្ហភាពនឹងធ្លាក់ចុះដល់កម្រិត ១៦-១៨អង្សាសេ។ ក្រៅពីនេះ នៅរាជធានីភ្នំពេញ ខេត្តកំពង់ធំ កំពង់ចាម ព្រៃវែង ស្វាយរៀង ពោធិ៍សាត់ កំពង់ឆ្នាំង កំពង់ស្ពឺ និងកណ្ដាល សីតុណ្ហភាពនឹងធ្លាក់ចុះដល់កម្រិត ១៨-២០អង្សាសេ ដោយឡែក ខេត្តកោះកុង ព្រះសីហនុ កំពត និងកែប សីតុណ្ហភាពនឹងធ្លាក់ចុះដល់ ២២-២៥អង្សាសេ។
យោងតាមសេចក្ដីប្រកាសនេះ សូមប្រជាពលរដ្ឋ បងប្អូនទាំងអស់មេត្តាប្រុងប្រយ័ត្នឲ្យបានខ្ពស់ ព្រោះអាចបង្កឲ្យមានជំងឺ៕
ព័ត៌មានជាតិ
មតិយោបល់