អាមេរិកគឺជាទីផ្សារស្មាតហ្វូនធំជាងគេលំដាប់ទី១ ចំណែក ចិន ជាអ្នកឈរនៅលេខរៀង២ សម្រាប់បច្ចុប្បន្ននេះ ប៉ុន្តែក្រុមអ្នកវិភាគបានលើកឡើងថា អនាគត ឥណ្ឌាអាចនឹងស្រវ៉ាតោងចាប់យកកៅអ៊ីលេខ២របស់ចិន។
សារព័ត៌មាន Guardain បានចុះផ្សាយនូវរបាយការណ៍ស្រាវជ្រាវមួយដោយបានបង្ហាញពីបណ្ដាប្រទេសដែលមានតួលេខនៃការលក់ស្មាតហ្វូនខ្ពស់ ក្នុងនោះ ឥណ្ឌាត្រូវបានគេមើលឃើញថាសន្ទុះនៃការលក់ស្មាតហ្វូនជាងទ្វេដង។
កាលពីឆ្នាំ ២០១២ ឥណ្ឌាលក់ស្មាតហ្វូនបានត្រឹមតែ ១៥៦លានគ្រឿងប៉ុណ្ណោះ ប៉ុន្តែនៅឆ្នាំ ២០១៣ វិញបានស្ទុះឡើងដល់ ៣៦៤លានគ្រឿង ខណៈដែលចិន មាន ១,២ពាន់លានគ្រឿង។
ក្រុមអ្នកវិភាគបាននិយាយថា បើទោះបីជានៅពេលនេះ តួលេខស្មាតហ្វូនដែលត្រូវបានលក់នៅក្នុងប្រទេសឥណ្ឌាមានចំនួនតិចជាងនៅចិនក្ដី ប៉ុន្តែនៅពេលអនាគត វានឹងកើនឡើងដល់កម្រិតមួយដែលអាចយកឈ្នះចិន៕
មតិយោបល់